ព័ត៌មានអន្ដរជាតិ
ក្រោយការវាយប្រហាររបស់ អ៊ីស្រាអែល រយៈពេល ១១ ថ្ងៃ ប្រជាជនប៉ាឡេស្ទីន ២០ ម៉ឺននាក់ត្រូវការជំនួយផ្នែកសុខភាពជាចាំបាច់
ក្រុមមន្ត្រីមកពី អង្គការសហប្រជាជាតិ (UN) និងកាកបាទក្រហម បានចុះទៅតំបន់ហ្គាហ្សាស្ទ្រីប ដើម្បីពិនិត្យមើលការបំផ្លិចបំផ្លាញ ពីការទម្លាក់គ្រាប់បែករយៈពេល ១១ ថ្ងៃរបស់អ៊ីស្រាអែល ដែលរួមមានការខូចខាតផ្ទះសម្បែង សាលារៀន មន្ទីរពេទ្យ និងហេដ្ឋារចនាសម្ព័ន្ធសំខាន់ៗផ្សេងទៀត ជាដើម ។
ទន្ទឹមនោះ នៅក្នុងសេចក្តីថ្លែងការណ៍មួយកាលពីថ្ងៃពុធ អង្គការសុខភាពពិភពលោក (WHO) បានព្រមានអំពី “តម្រូវការសុខភាពដែលគួរឲ្យភ្ញាក់ផ្អើល” នៅទូទាំងទឹកដីប៉ាឡេស្ទីន ដោយនិយាយថា ជម្លោះនេះបានបង្កឲ្យមានការ ផ្លាស់ទីលំនៅប្រជាជនបន្ថែម និងធ្វើឲ្យវិបត្តិមនុស្សធម៌ កាន់តែអូសបន្លាយ ។
WHO បាននិយាយថា “ប្រជាជនជាង ៧៧,០០០ នាក់ត្រូវបានផ្លាស់ប្តូរទីលំនៅ ហើយមណ្ឌលសុខភាពប្រហែល ៣០ ត្រូវបានខូចខាត ។ WHO កំពុងបង្កើនការឆ្លើយតបរបស់ខ្លួន ក្នុងការផ្តល់ជំនួយសុខភាពដល់ប្រជាជនជិត ២០០,០០០ នាក់ ដែលកំពុងខ្វះខាត នៅទូទាំងទឹកដីប៉ាឡេស្ទីន រួមទាំងតំបន់ West Bank ផងដែរ” ។
ជាមួយគ្នានេះដែរ ប្រធានគណៈកម្មាធិការ កាកបាទក្រហមអន្តរជាតិ (ICRC) បានអំពាវនាវរកប្រាក់ជាង ១៦ លានដុល្លារ ដើម្បីជួយប្រជាជននៅតំបន់ហ្គាហ្សា ។
បន្ទាប់ពីការធ្វើទស្សនកិច្ចនៅតំបន់ហ្គាហ្សា ដែលត្រូវបានបំផ្លិចបំផ្លាញ ដោយការទម្លាក់គ្រាប់បែករបស់អ៊ីស្រាអែល លោក Robert Mardini ប្រធាន ICRC បានប្រាប់ Al Jazeera ថា “ការភ័យខ្លាច ការថប់បារម្ភ និងភាពតានតឹង គឺជាពាក្យគន្លឹះដែលខ្ញុំបាននិយាយ ម្តងហើយម្តងទៀតនៅថ្ងៃនេះ” ។
ដោយអំពាវនាវឲ្យមាន ដំណោះស្រាយនយោបាយដ៏មានអត្ថន័យមួយ ដើម្បីបញ្ចប់ជម្លោះដ៏យូរអង្វែងនេះ លោកបាននិយាយថា “ទោះបីការកើនឡើងខ្លីជាងស្ថានភាពមុនក៏ដោយ វានឹងចំណាយពេលជាច្រើនឆ្នាំ ដើម្បីកសាងឡើងវិញនូវអ្វីដែលខូចខាត ពីការវាយប្រហារតែក្នុងរយៈពេល ១១ ថ្ងៃប៉ុណ្ណោះ” ។
បើយោងតាមអាជ្ញាធរសុខាភិបាល នៅតំបន់ហ្គាហ្សាបានឲ្យដឹងថា ការវាយប្រហាររបស់អ៊ីស្រាអែល មកលើតំបន់នេះ ដែលចាប់ផ្តើមកាលពីថ្ងៃទី ១០ ឧសភា បានសម្លាប់ប្រជាជនប៉ាឡេស្ទីន យ៉ាងតិច ២៥៤ នាក់ក្នុងនោះមានកុមារ ៦៦ នាក់ ហើយយ៉ាងហោចណាស់ មានមនុស្ស ១២ នាក់ ក្នុងនោះមានកុមារ ២ នាក់ ត្រូវបានសម្លាប់នៅអ៊ីស្រាអែល ដោយសារការវាយប្រហារពីគ្រាប់រ៉ុកកែត ធ្វើឡើងដោយក្រុមប្រដាប់អាវុធ ដែលមានមូលដ្ឋាននៅតំបន់ហ្គាហ្សា ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី