ចំណុចផ្ទុះកូវីដនៅ វៀតណាម ដែលក្លាយជា “ទីក្រុងខ្មោច” នៅតែមានអ្នកឆ្លងច្រើនជាងគេ ខណៈប្រទេសនេះរកឃើញករណីឆ្លងថ្មី ២៥០ នាក់

គិតត្រឹមពេលនេះ ប្រទេសវៀតណាម មានករណីឆ្លងសរុប នៃជំងឺកូវីដ ១៩ ឡើងដល់ ៨,០០០ ករណី ក្រោយរកឃើញករណីឆ្លងថ្មី ២៥០ ករណីកាលពីល្ងាចថ្ងៃព្រហស្បតិ៍ ។

ទន្ទឹមនោះ ក្នុងចំណោមករណីឆ្លងថ្មីនេះ មាន ១៩ ករណី រកឃើញលើអ្នកកំពុងធ្វើចត្តាឡីស័ក បន្ទាប់ពីមកដល់ប្រទេសវៀតណាម ។ ករណីទាំងនេះ ត្រូវបានគេរកឃើញនៅខេត្ត Kien Giang ១២ ករណី, ទីក្រុងហូជីមិញ ៣ ករណី, ខេត្ត An Giang ៣ ករណី និងខេត្ត Tay Ninh ១ ករណី ។

ចំណែកករណីឆ្លងក្នុងស្រុកចំនួន ២៣១ ករណី ត្រូវបានរកឃើញនៅខេត្ត Bac Giang ដែលក្លាយជាទីក្រុងខ្មោច ចំនួន ១៤៥ ករណី, ខេត្ត Bac Ninh ៤៤ ករណី, ទីក្រុងហូជីមិញ ៣០ ករណី, ទីក្រុងហាណូយ ៦ ករណី, ខេត្ត Lang Son ៣ ករណី, ខេត្ត Long An ២ ករណី និងខេត្ត Hai Duong ១ ករណី ។

ចាប់តាំងពីរលកទី ៤ នៃវីរុសនេះ បានផ្ទុះឡើងដំបូងនៅថ្ងៃទី ២៧ ខែមេសា ប្រទេសវៀតណាម មានករណីឆ្លងថ្មីសរុបចំនួន ៤,៩៥៥ ករណី ប៉ុន្តែមិនមានអ្នកស្លាប់នោះទេ ។

គួរបញ្ជាក់ថា ចាប់ពីជំងឺកូវីដ ១៩ ផ្ទុះឡើងនៅវៀតណាម ប្រទេសនេះមានករណីឆ្លងសរុប ៨,០៦៣ ករណី និងមានអ្នកស្លាប់ ៤៩ នាក់ ខណៈមានអ្នកជាសះស្បើយ ៣,០៨៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ A24now

ចុចអាន ៖ ក្ដៅៗ តំណាង WHO ប្រចាំវៀតណាម អះអាងថា មិនមានវីរុសកូនកាត់ដ៏សាហាវឆ្លងតាមខ្យល់ក្នុងប្រទេសនេះនោះទេ

ចុចអាន ៖ ចំណុចផ្ទុះកូវីដនៅ វៀតណាម ក្លាយជា “ទីក្រុងខ្មោច”