ព័ត៌មានអន្ដរជាតិ

ម៉ាឡេស៊ីយល់ព្រមយកវ៉ាក់សាំង AstraZeneca ផលិតនៅថៃហើយ

បានផុស

៤ years មុន

នៅ

ថ្ងៃសុក្រ ៤ មិថុនា ២០២១

ដោយ

អាជ្ញាធរសុខាភិបាលប្រទេសម៉ាឡេស៊ីនិយាយនៅងថ្ងៃសុក្រ ទី៤ ខែមិថុនានេះថា ខ្លួនបានយល់ព្រមតាមលក្ខខណ្ឌសម្រាប់វ៉ាក់សាំងការពារកូវីដ-១៩ AstraZeneca ដែលផលិតដោយក្រុមហ៊ុន Siam Bioscience នៅប្រទេសថៃហើយ។

អគ្គនាយកក្រសួងសុខាភិបាលលោក Noor Hisham Abdullah បាននិយាយនៅក្នុងសេចក្តីប្រកាសមួយថា ការផ្គត់ផ្គង់វ៉ាក់សាំងទទួលបានពីប្រទេសថៃរំពឹងថា នឹងបង្កើនល្បឿនកម្មវិធីចាក់វ៉ាក់សាំងដល់ប្រជាជនម៉ាឡេស៊ី។

វ៉ាក់សាំង AstraZeneca ផលិតនៅថៃផ្តល់ជូនក្រសួងសុខាភិបាលថៃលើកដំបូង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលម៉ាឡេស៊ីកកន្លងមកបានដាក់វ៉ាក់សាំង AstraZeneca ត្រូវបានផ្អាកពីកម្មវិធីចាក់វ៉ាក់សាំងរបស់ខ្លួន បន្ទាប់ពីមានព័ត៌មានអាចពាក់ព័ន្ធនឹងករណីឈាមកកដ៏កម្រ។

ប៉ុន្តែវ៉ាក់សាំងនេះត្រូវបានដាក់បញ្ចូលក្នុងកម្មវិធីចាក់វ៉ាក់សាំងជាតិឡើងវិញកាលពីសប្តាហ៍មុន បន្ទាប់ពីមនុស្សរាប់ពាន់នាក់ស្រែករកវ៉ាក់សាំងចាក់។

ប្រទេសម៉ាឡេស៊ីបានទិញវ៉ាក់សាំងពីក្រុមហ៊ុន AstraZeneca ចំនួន១២.៨លានដូស ដែលពាក់កណ្តាលតាមរយៈកម្មវិធី COVAX និងផ្សេងទៀតទិញដោយផ្ទាល់ពីក្រុមហ៊ុន។

រដ្ឋាភិបាលធ្លាប់បានឲ្យដឹងថា សម្រាប់ការទទួលបានវ៉ាក់សាំងដំបូងចំនួន ៦១០ ០០០ដូសពីប្រទេសថៃគ្រោងនឹងធ្វើនៅខែនេះ បន្ទាប់មកយក៤១០ ០០០ដូសទៀតនៅក្នុងខែកក្កដា និង១.២លានដូសចន្លោះខែសីហា និងកញ្ញា៕

ប្រែសម្រួល៖ វីរបុត្រ
ប្រភព៖ CNA

Related Topics:ប្រទេសម៉ាឡេស៊ី