ព័ត៌មានអន្ដរជាតិ

ឥណ្ឌូណេស៊ី លុបចោលពិធីបុណ្យសាសនាឥស្លាម Hajj ឆ្នាំទី ២ ដោយបារម្ភផ្ទុះកូវីដសម្រាប់អ្នកធ្វើធម្មយាត្រា

បានផុស

៤ years មុន

នៅ

ថ្ងៃសុក្រ ៤ មិថុនា ២០២១

ដោយ

ប្រទេសឥណ្ឌូណេស៊ី បានលុបចោលការធ្វើធម្មយាត្រាក្នុងពិធីបុណ្យ Hajj សម្រាប់ប្រជាជននៅក្នុងប្រទេស ដែលកាន់សាសនាឥស្លាម ធំជាងគេបំផុតនៅលើពិភពលោក ២ ឆ្នាំជាប់ៗគ្នា ដោយសារតែមានការព្រួយបារម្ភ អំពីការរីករាលដាលនៃជំងឺកូវីដ ១៩ សម្រាប់អ្នកចូលរួម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីក្រសួងកិច្ចការសាសនាលោក Yaqut Cholil Qoumas បាននិយាយនៅក្នុងសេចក្តីថ្លែងការណ៍មួយថា “ដោយសារតែរោគរាតត្បាត និងដើម្បីសុវត្ថិភាពដល់អ្នកធ្វើធម្មយាត្រា រដ្ឋាភិបាលបានសម្រេចថា នៅឆ្នាំនេះយើងនឹងមិនអនុញ្ញាត ឲ្យអ្នកធ្វើធម្មយាត្រាឥណ្ឌូនេស៊ី ធ្វើពិធីនេះនោះទេ” ។

លោកបាននិយាយថា “វាមិនមែនគ្រាន់តែនៅ ប្រទេសឥណ្ឌូណេស៊ីនោះទេ គ្មានប្រទេសណា កំណត់ចំនួនមនុស្សចូលរួមឡើយ” ។ លោកបានបន្ថែមថា “អ្នកធម្មយាត្រាដែលបានបង់ថ្លៃ សម្រាប់ចូលរួមពិធីបុណ្យ Hajj នឹងក្លាយជាអ្នកធម្មយាត្រា នៅឆ្នាំក្រោយវិញ” ។

ទន្ទឹមនោះ ប្រភពពីរដែលស្និទ្ធនឹងក្រសួងកិច្ចការសាសនា បានប្រាប់ Al Jazeera ថា ប្រសិនបើពិធីបុណ្យ Hajj ត្រូវបានធ្វើឡើងមែននោះ អាជ្ញាធរនឹងអនុញ្ញាត ឲ្យតែអ្នកធ្វើធម្មយាត្រាក្នុងស្រុក ដែលត្រូវបានចាក់វ៉ាក់សាំង ឬបានជាសះស្បើយពីជំងឺកូវីដ ១៩ យ៉ាងតិច ៦ ខែមុនពេលធ្វើធម្មយាត្រា ។

គួរបញ្ជាក់ថា គិតត្រឹមពេលនេះ ប្រទេសឥណ្ឌូណេស៊ី មានករណីឆ្លងជំងឺកូវីដ ១៩ ចំនួន ១.៨ លានករណី និងមានអ្នកស្លាប់ ៥១,០៩៥ នាក់ ៕