ព័ត៌មានអន្ដរជាតិ

ប្រុងប្រយ័ត្ន! អ្នកមានជំងឺមួយនេះ អាចជាប្រភពបង្កើតវីរុសបំប្លែងខ្លួនប្រភេទថ្មីៗ បើឆ្លងកូវីដ

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

ការស្រាវជ្រាវថ្មីមួយបានរកឃើញថា ស្ត្រីផ្ទុកមេរោគអេដស៍អាយុ៣៦ឆ្នាំម្នាក់ បានកើតជំងឺកូវីដរយៈពេល២១៦ថ្ងៃ ហើយក្នុងអំឡុងពេលនោះ វីរុសកូវីដបានបង្កបង្កើតឲ្យមានកំឡាយមេរោគជាង៣០ប្រភេទផ្សេងៗគ្នា។

Virus remained for 216 days in HIV positive woman, mutation occurred 32 times

របាយការណ៍នេះ ត្រូវបានបោះពុម្ពផ្សាយ លើគេហទំព័រ medRxiv កាលពីថ្ងៃព្រហស្បតិ៍ សប្តាហ៍មុន។

ស្ត្រីដែលគេមិនបញ្ចេញឈ្មោះរូបនេះ ត្រូវបានគេដឹងថា រស់នៅក្នុងប្រទេសអាហ្វ្រិកខាងត្បូង។

គេរកឃើញថា វីរុសកូរ៉ូណាបានបង្កឲ្យមានកំឡាយ ចំនួន១៣ប្រភេទ ទៅលើសរសៃរប្រូតេអ៊ីន ដែលសរសៃរនេះត្រូវបានគេដឹងថា ជួយឲ្យវីរុសគេចផុតពីប្រព័ន្ធភាពស៊ាំ។ វីរុសកូរ៉ូណា ក៏បានបង្កើតឲ្យមានកំឡាយចំនួន១៩ផ្សេងទៀតផងដែរ ដែលអាចផ្លាស់ប្តូរលក្ខណៈរបស់វីរុស។

Woman With HIV Had Coronavirus for 216 Days, Virus Mutated

អ្នកនិពន្ធបានប្រាប់កាសែត LA Times ថា ករណីនេះ បានបង្កើនការរំពឹងទុកថា អ្នកកើតជំងឺអេដស៍ អាចជាប្រភពនៃវីរុសបំប្លែងខ្លួនប្រភេទថ្មីៗដោយងាយ ព្រោះអ្នកជំងឺនេះអាចផ្ទុកវីរុសបានរយៈពេលយូរ ជាងអ្នកផ្សេងៗ។

បណ្ឌិត Juan Ambrosini សាស្រ្តាចារ្យរងផ្នែកជំងឺឆ្លង នៅសាកលវិទ្យាល័យ Barcelona បាននិយាយថា ការរកឃើញនេះ មានសារសំខាន់ណាស់សម្រាប់ការគ្រប់គ្រងជំងឺកូវីដ-១៩ ពីព្រោះអ្នកជំងឺទាំងនេះ អាចជាប្រភពបន្តនៃការចម្លងនិងការវិវត្តរបស់វីរុស។

អ្នកវិទ្យាសាស្ត្របានឃើញករណីនេះ ដោយសារតែស្រ្តីខាងលើ បានចូលរួមនៅក្នុងការសិក្សាលើមនុស្សមានផ្ទុកមេរោគអេដស៏ចំនួន៣០០នាក់ ដោយពិនិត្យមើលទៅលើភាពស៊ាំរបស់ពួកគេចំពោះជំងឺកូវីដ-១៩។

អ្វីដែលក្រុមអ្នកវិទ្យាសាស្រ្តកត់សម្គាល់ជាពិសេសនោះគឺថា អ្នកកើតជំងឺអេដស៍ អាចជាប្រភពនៃវីរុសបំប្លែងខ្លួនប្រភេទថ្មីៗ ព្រោះអ្នកជំងឺនេះអាចផ្ទុកវីរុសបានរយៈពេលយូរ ជាងអ្នកផ្សេងៗ ហើយមានប្រព័ន្ធភាពស៊ាំនិងសារពាង្គរាយចុះខ្សោយ ជាហេតុនាំឲ្យមេរោគវាយលុកបានយ៉ាងងាយ និងបង្កបង្កើតវីរុសបំប្លែងខ្លួនផ្សេងៗជាច្រើន៕

ប្រែសម្រួល៖ Vann Vann

ប្រភព៖ Insider

ចុចអាន៖ ចាក់វ៉ាក់សាំងហើយ ទោះ១ដូសក៏ដោយ អត្រាឆ្លងមានទាបបំផុត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត