ព័ត៌មានអន្ដរជាតិ
វៀតណាមកំពុងឈឺក្បាលរឿងលក់ឧបករណ៍តេស្តកូវីដតាមអនឡាញខុសច្បាប់
អាជ្ញាធរសុខាភិបាលវៀតណាបានកំពុងព្រមានដល់ប្រជាជនដែលប្រើប្រាស់ឧបករណ៍តេស្តកូវីដ-១៩គ្មានច្បាប់អនុញ្ញាតដែលកំពុងផ្សព្វផ្សាយតាមអនឡាញយ៉ាងទូលំទូលាយក្នុងរយៈពេលប៉ុន្មានថ្ងៃចុងក្រោយនេះ។
អ្នកលក់តាមអនឡាញម្នាក់បាននិយាយនៅពេលប្រទេសវៀតណាមកំពុងទទួលរងរលកកូវីដ-១៩ថា ៖«ឧបករណ៍ធ្វើតេស្តកូវីដ-១៩ជាង១០០កញ្ចប់ទទួលបានពីប្រទេសកូរ៉េខាងត្បូងទើបមកដល់។ សូមប្រញាប់ទិញឲ្យបានលឿន»។
អ្នកលក់រូបនេះបានបញ្ជាក់ថា កញ្ចប់នីមួយៗមានឧបករណ៍២ដើមតម្លៃ២៨.៣៤ដុល្លារអាមេរិកដែលមានគុណភាពល្អ៩៩%។ ដំណើរការធ្វើតេស្តប្រើពេលត្រឹមតែ១៥នាទីប៉ុណ្ណោះ»។ នារីលក់ម្នាក់នេះថែមទាំងភ្ជាប់នូវបណ្តាញ (Link) ទៅនឹងអត្ថបទដើម្បីបង្ហាញពីផលិតផលទាំងនោះល្បីល្បាញយ៉ាងណាដែលស្ថិតនៅប្រទេសកូរ៉េខាងត្បូង។
ទោះបីជាយ៉ាងណា នៅពេលអ្នកសារព័ត៌មានបានសួរពីឯកសារបន្ថែមទៀតដើម្បីបញ្ជាក់ពីឈ្មោះក្រុមហ៊ុនដែលនាំចូលផលិតផលទាំងនោះចូលប្រទេសវៀតណាម អ្នកលក់រូបនេះមិនបានផ្តល់ព័ត៌មានទេ។
ជាមួយគ្នានេះ អ្នកលក់ម្នាក់ទៀតបាននិយាយថា ឧបករណ៍តេស្តបាននាំចូលមកពីកូរ៉េខាងត្បូង។ ផលិតផលទាំងនោះមិនស្របច្បាប់ទេ ហើយក៏មិនត្រូវបាននាំចូលតាមច្រកផ្លូវការដែរ។ កញ្ចប់នីមួយៗមានឧបករណ៍ពីរដើមដែលមានតម្លៃ៣០.០៣ដុល្លារអាមេរិក ប៉ុន្តែបើលក់ឧបករណ៍មួយដើមតម្លៃ១៥.២៦ដុល្លារអាមេរិក។
អ្នកលក់រូបនេះបាននិយាយថា ៖«គ្រាន់តែធ្វើតេស្តតាមរន្ធច្រមុះ ហើយរង់ចាំ១៥ទៅ២០នាទី។ លោតសញ្ញាមួយមានន័យថា អវិជ្ជមាន តែបើលោតសញ្ញាពីរមានន័យថា វិជ្ជមាន»។ គាត់បន្ថែមថា មិត្តភក្តិ និងក្រុមគ្រួសាររបស់គាត់មានឧបករណ៍នេះប្រើគ្រប់គ្នា។
ឧបករណ៍តេស្តផ្សេងទៀតផលិតនៅប្រទេសចិនក៏កំពុងត្រូវបានផ្សព្វផ្សាយយ៉ាងខ្លាំងអនឡាញនៅប្រទេសវៀតណាម ប៉ុន្តែគ្មានឧបករណ៍ណាមួយត្រូវបានអនុញ្ញាតដោយក្រសួងសុខាភិបាលឡើយ។
លោក Nguyen Dinh Anh ប្រធានទំនាក់ទំនងនៅក្រសួងសុខាភិបាលវៀតណាមបាននិយាយថា ប្រជាជនវៀតណាមមិនគួរទិញឧបករណ៍តេស្តទាំងនោះទេ ពីព្រោះគុណភាពមិនស្តង់ដារដែលអាចធ្វើឲ្យការឆ្លងកាន់តែខ្លាំងឡើងដោយសារលទ្ធផលអវិជ្ជមានក្លែងក្លាយ។
អាជ្ញាធរគ្រប់គ្រងទីផ្សារបាននិយាយថា ពួកគេកំពុងធ្វើការស៊ើបអង្កេតពីការលក់ផលិតផលតេស្តទាំងនោះនៅតាមអនឡាញ ហើយនឹងផ្តន្ទាទោសចំពោះអ្នកណាដែលរកឃើញពីការរំលោភបំពានច្បាប់។
អនុប្រធានត្រួតពិនិត្យទីផ្សារវៀតណាម លោក Nguyen Duc Le បានលើកឡើងថា ផលិតផលដែលពាក់ព័ន្ធនឹងសុខភាពរបស់មនុស្សត្រូវតែទទួលបានការអនុញ្ញាតដោយច្បាប់ពីក្រសួងសុខាភិបាល ហើយប្រជាជនមិនគួរទិញផលិតផលដែលមិនមានប្រភពច្បាស់លាស់ដែលលក់តាមអនឡាញទេ។
អាជ្ញាធរទីផ្សារក្រុងហាណូយកាលពីថ្ងៃព្រហស្បតិ៍បានរកឃើញឧបករណ៍ធ្វើតេស្តកូវីដ-១៩ខុសច្បាប់លើកដំបូងដែលមានចំនួន២៩ប្រអប់ត្រូវបានគេឲ្យដឹងថាយកមកពីប្រទេសចិន។
ប្រទេសវៀតណាមប្រើឧបករណ៍ RT-PCR ជាចម្បងសម្រាប់ការធ្វើតេស្តកូវីដ-១៩។ អាជ្ញាធរសុខាភិបាលក៏ប្រើឧបករណ៍តេស្តលឿនរហ័សដែលមានអត្រាគុណភាព៧០ទៅ៧៥% ប៉ុន្តែគ្រាន់តែដើម្បីបង្កើនល្បឿនទប់ស្កាត់នៅតំបន់ដែលមានហានិភ័យឆ្លងខ្ពស់ប៉ុណ្ណោះ។
បច្ចុប្បន្ននេះ ប្រទេសវៀតណាម មានស្ថាប័នតែ២ប៉ុណ្ណោះទទួលបានការអនុញ្ញាតឲ្យផលិតឧបករណ៍តេស្តរហ័សគឺក្រុមហ៊ុន Viet A Corporation (សហការជាមួយសាកលវិទ្យាល័យវិជ្ជសាស្ត្រយោធា) និងក្រុមហ៊ុន Sao Thai Duong (Sunstar Jsc)៕
ប្រែសម្រួល៖ វីរបុត្រ
ប្រភព៖ vnexpress
រឿង Greenland! វិមានក្រឹមឡាំង ផ្តាំទៅ ត្រាំ ថា សូមកុំភ្លេច រុស្ស៊ីក៏មានវត្តមាននៅតំបន់អាកទិកដែរ
កែវ វាសនា ថា មានតែគុណធម៌ សច្ចធម៌ ចិត្តល្អជ្រះថ្លាមិនបំពានអ្នកដទៃ គឺគ្មានឆ្នាំឆុងទេ
កម្ពុជា នឹងចុះត្រជាក់ចាប់ពី២០ ទៅ១៧°C
មន្ត្រី LA បើកការស៊ើបអង្កេតរកមូលហេតុពិតនៃភ្លើងឆេះព្រៃ សង្ស័យ មានអ្នកលួចដុត
រដ្ឋមន្ត្រីសុខាភិបាល ណែនាំអ្នកជាប់ឃុំ ត្រូវខិតខំកែប្រែដើម្បីកសាងខ្លួន គ្រួសារ និងសង្គមជាតិឲ្យកាន់តែរីកចម្រើន
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
កម្លាំងពន្លត់អគ្គីភ័យកើនដល់៧៥០០នាក់ ខណៈភ្លើងរាលដាលដល់ Hollywood Hills ដែលគម្រាមលំនៅឋាន១០ម៉ឺនខ្នងទៀត
២០២៤ ខ្យល់កន្ត្រាក់ មានមនុស្សស្លាប់-របួស ជិត ៥០ នាក់ ថយចុះជិត ៤ ដង
-
ព័ត៌មានជាតិ១ សប្តាហ៍ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៤ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ២ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ១៣ ម៉ោង agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា