ព័ត៌មានអន្ដរជាតិ

ប្រុងប្រយ័ត្ន! វីរុសបំប្លែងខ្លួនឥណ្ឌា ដែលកម្ពុជារកឃើញ ឆ្លងសាហាវជាងវីរុសអង់គ្លេស ដល់ទៅ ៤០ភាគរយ

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

លោក ស្រី វេជ្ជបណ្ឌិត ឱ វណ្ណឌីន រដ្ឋលេខាធិការនិងជា អ្នកនាំពាក្យក្រសួងសុខាភិបាលបានមានប្រសាសន៍កាលពីល្ងាចថ្ងៃទី៥ខែមិថុនាថា រហូតមកដល់ពេលនេះកម្ពុជា មានអ្នកឆ្លងវីរុសបំប្លែងខ្លួនថ្មី B.1.617 ចំនួន៤ករណីហើយ ដោយក្នុងនោះមាន១ករណីបានព្យាបាលជាសះស្បើយកាលពីខែមេសា។

លោក ស្រី បានបន្តទៀតថា វីរុសនេះមានភាពឆ្លងខ្លាំងជាង និងគ្រោះថ្នាក់ខ្លាំងជាង ហើយជាប្រភេទវីរុសដែលពិភពលោកកំពុងតែព្រួយបារម្ភបំផុត។

លោកស្រី បានបន្ថែម ថា ការរកឃើញវីរុសបំប្លែងថ្មីលើពលរដ្ឋកម្ពុជាដែលធ្វើដំណើរមកពីប្រទេសថៃនេះ គឺជាការបារម្ភមួយ ព្រោះថាវាអាចនឹងចរាចរណ៍លឿនជាងអ្វីដែលយើងរំពឹងទុក។

ចំណែកឯនៅ ចក្រភពអង់គ្លេសឯណោះវិញ រដ្ឋមន្រ្តីក្រសួងសុខាភិបាលលោក Matt Hancock បាននិយាយថា វីរុសបំប្លែងខ្លួនឥណ្ឌា ដែលមានឈ្មោះថ្មីថា Delta អាចចម្លងខ្លាំងជាងវីរុសបំប្លែងខ្លួនអង់គ្លេសឬមានឈ្មោះថ្មីថា Alpha ដល់ទៅ ៤០ ភាគរយឯណោះ។

ទោះបីជាយ៉ាងណាក៏ដោយ លោកបានបន្ថែមថា អ្នកដែលទទួលវ៉ាក់សាំងកូវីដ ចំនួនពីរដូសរួចហើយ អាចការពារវីរុសបំប្លែងខ្លួនទាំងនេះបាន។

Matt Hancock accused of 'cronyism' over his stake in NHS supplier | Financial Times

លោក Matt Hancock បានប្រាប់ទូរទស្សន៍ Sky News ថា “តួលេខដែលខ្ញុំទទួលបានចុងក្រោយបំផុតគឺថា វីរុសឥណ្ឌាឆ្លងខ្លាំងជាងវីរុសអង់គ្លេស ៤០ភាគរយ”។

វីរុស Delta ដែលត្រូវបានគេរកឃើញដំបូងនៅប្រទេសឥណ្ឌា ឥឡូវនេះ គឺជាវីរុសបំប្លែងខ្លួនដែលកំពុងវាយលុកចក្រភពអង់គ្លេស។ នេះបើយោងតាមតួលេខរបស់ សេវាសុខភាពសាធារណៈអង់គ្លេស។

លោក Hancock អះអាងថា តួលេខ៤០ភាគរយនេះ គឺបានមកពីស្ថាប័នទីប្រឹក្សាវិទ្យាសាស្ត្ររបស់រដ្ឋាភិបាល ដែលហៅកាត់ថា SAGE៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ប្រុងប្រយ័ត្ន! អ្នកមានជំងឺមួយនេះ អាចជាប្រភពបង្កើតវីរុសបំប្លែងខ្លួនប្រភេទថ្មីៗ បើឆ្លងកូវីដ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត