ប្រមុខ WHO ចេញមុខព្រមានស្របពេលផ្ទុះព័ត៌មានអំពីវ៉ាក់សាំងកូវីដ – Kampuchea Thmey Daily
Connect with us

ព័ត៌មានអន្ដរជាតិ

ប្រមុខ WHO ចេញមុខព្រមានស្របពេលផ្ទុះព័ត៌មានអំពីវ៉ាក់សាំងកូវីដ

Published

on

កាលពីថ្ងៃចន្ទទី១៦ខែវិច្ឆិកា ប្រមុខអង្គការសុខភាពពិភពលោកបានសាទរចំពោះព័ត៌មានដ៏ល្អអំពីវ៉ាក់សាំងកូវីដប៉ុន្តែបានសម្តែងការព្រួយបារម្ភអំពីការកើនឡើងនូវករណីឆ្លងក្នុងប្រទេសជាច្រើនហើយបានទទូចថា វ៉ាក់សាំងមិនមែនជាជម្រើសតែមួយនោះទេ។

លោក Tedros Adhanom Ghebreyesus បានប្រាប់សន្និសីទកាសែតមួយថា “យើងបន្តទទួលបានព័ត៌មានល្អៗអំពីវ៉ាក់សាំងកូវីដហើយនៅតែមានសុទិដ្ឋិនិយមយ៉ាងប្រុងប្រយ័ត្នអំពីសក្តានុពលនៃឧបករណ៍ថ្មីដែលនឹងចាប់ផ្តើមមកដល់ក្នុងរយៈពេលប៉ុន្មានខែខាងមុខនេះ”។

ប៉ុន្តែលោកបានបន្ថែមទៀតថា “នេះមិនមែនជាពេលវេលាសម្រាប់ការសប្បាយរីករាយទេ”។

ការអត្ថាធិប្បាយរបស់លោកបានធ្វើឡើងខណៈមានក្តីសង្ឃឹមកាន់តែខ្លាំងជាសកលនៃការយកឈ្នះលើជំងឺរាតត្បាតកូវីដ១៩បន្ទាប់ពីវ៉ាក់សាំងទីពីរត្រូវបានគេរកឃើញថា មានប្រសិទ្ធភាពជិត៩៥ភាគរយក្នុងការសាកល្បងដែលកំពុងបន្ត។

ព័ត៌មានពីក្រុមហ៊ុនជីវបច្ចេកវិទ្យារបស់អាមេរិក Moderna បាននាំមកនូវសុទិដ្ឋិនិយមដែលត្រូវការជាចាំបាច់ដល់ពិភពលោកដែលកំពុងប្រឈមនឹងការឆ្លងខ្លាំងនិងការរិតត្បិតថ្មីៗ។

វាបានកើតឡើងបន្ទាប់ពីលទ្ធផលស្រដៀងគ្នានេះត្រូវបានប្រកាសកាលពីសប្តាហ៍មុនសម្រាប់វ៉ាក់សាំងដែលត្រូវបានបង្កើតឡើងដោយក្រុមហ៊ុនឱសថយក្ស Pfizer និងដៃគូអាល្លឺម៉ង់របស់ខ្លួនគឺ BioNTech។

ប៉ុន្តែ WHO បានព្រមានថា ការចាក់ថ្នាំបង្ការរោគនៅតែត្រូវប្រើរយៈពេលយូរបើទោះបីជាករណីកូវីដ១៩និងការស្លាប់មានការកើនឡើងខ្ពស់នៅតាមតំបន់ជាច្រើននៃពិភពលោកក៏ដោយ។

លោក Tedros និយាយថា “នេះគឺជាវីរុសដ៏គ្រោះថ្នាក់ដែលអាចវាយប្រហារគ្រប់ប្រព័ន្ធទាំងអស់នៅក្នុងខ្លួន។ ប្រទេសទាំងឡាយដែលអនុញ្ញាតឲ្យវីរុសរាលដាលដោយមិនបានត្រួតពិនិត្យគឺកំពុងប្រលែងជាមួយភ្លើង។ វ៉ាក់សាំងតែមួយនឹងមិនបញ្ចប់ជំងឺរាតត្បាតទេ”។

គួរបញ្ជាក់ថា នៅទូទាំងពិភពលោក ការឆ្លងបានកើនឡើងដល់៥៤លានករណីខណៈមានមនុស្សស្លាប់ជាង១.៣លាននាក់ហើយអ្នកជំនាញបានព្រមានថា ប៉ុន្មានខែខាងមុខនឹងពិបាកនិងគ្រោះថ្នាក់កាន់តែខ្លាំង៕

ប្រែសម្រួលដោយ៖ Vann Vann

ប្រភព៖ AFP

ចុច Like Facebook កម្ពុជាថ្មី

ព័ត៌មានជាតិ5 hours ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ5 hours ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ5 hours ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ5 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ6 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម