ព័ត៌មានអន្ដរជាតិ

ថ្មីទៀត! សាច់ញាតិអ្នកស្លាប់ដោយសារកូវីដ វាយពេទ្យឥណ្ឌា ផ្អើលបន្ទប់ ICU (មានវីដេអូ)

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

នៅក្នុងឧប្បត្តិហេតុថ្មីមួយទៀត បុគ្គលិកសុខាភិបាលឥណ្ឌា ត្រូវបានគេវាយដំនៅឯមន្ទីរពេទ្យ វិទ្យាសាស្រ្តវេជ្ជសាស្រ្ត Jawaharlal Nehru (JNIMS) ក្នុងស្រុក Imphal East នៃរដ្ឋ Manipur។ មនុស្សពីរនាក់ត្រូវបានឃុំខ្លួន ពាក់ព័ន្ធនឹងការវាយប្រហារនេះ។

Manipur, assam, doctor attacked, hojai, Jawaharlal nehru hospital, Imphal, doctor assault case, JNIMS hospital, Covid-19, mob vandalise hospital, attack doctor, icu ward, injured, attack

វីដេអូឃ្លីប បានបង្ហាញពីមនុស្សមួយចំនួនត្រូវជាសាច់ញាតិរបស់អ្នកជំងឺកូវីដ បានបំផ្លិចបំផ្លាញឧបករណ៍នៅក្នុងបន្ទប់ ICU របស់មន្ទីរពេទ្យ JNIMS។

ហេតុការណ៍នេះ ត្រូវបានថតជាប់ក្នុងកាមេរ៉ាសុវត្ថិភាព របស់មន្ទីរពេទ្យ។

យោងតាមរបាយការណ៍បានឲ្យដឹងថា សាច់ញាតិរបស់ស្ត្រីអាយុ ៣៣ ឆ្នាំម្នាក់ដែលបានស្លាប់ដោយសារឆ្លងមេរោគកូវីដ បានបំផ្លាញបន្ទប់ ICU និងកម្ទេចឧបករណ៍ដាក់អុកស៊ីសែន ព្រមទាំងឧបករណ៍ ICU ផ្សេងទៀត។

ប្រភពមួយបានឲ្យដឹងថា “អ្នកជំងឺត្រូវបានបញ្ជូនទៅមន្ទីរពេទ្យកាលពី៣ថ្ងៃមុន ដោយមានជំងឺ កូវីដ ធ្ងន់ធ្ងរ ហើយត្រូវបានណែនាំឲ្យផ្ទេរចូលបន្ទប់ ICU ប៉ុន្តែ សមាជិកគ្រួសាររបស់អ្នកជំងឺបានបដិសេធ” ។ ក្រោយមក អ្នកជំងឺត្រូវបានផ្ទេរទៅបន្ទប់ ICU ប៉ុន្តែបានស្លាប់។

Manipur: 2 held for assault, vandalism at JNIMS after COVID patient's death | EastMojo

លោកវេជ្ជបណ្ឌិត Kh Lokeshwar Singh អគ្គនាយករងផ្នែកវេជ្ជសាស្ត្រនៅ JNIMS បានប្រាប់ទូរទស្សន៍ India Today ថា រដ្ឋបាលនិងគ្រូពេទ្យ JNIMS បានដាក់ពាក្យបណ្តឹងទៅប៉ូលិស រួចហើយ។

ប៉ូលិសបានឃុំខ្លួនមនុស្សពីរនាក់ពាក់ព័ន្ធនឹងឧប្បត្តិហេតុនេះ។ វាជារឿងអកុសល ដែលបុគ្គលិកសុខាភិបាលជួរមុខ បានក្លាយជាមុខសញ្ញានៃអំពើបែបនេះ បើទោះបីជាពួកគេធ្វើការទាំងយប់ទាំងថ្ងៃដើម្បីជួយសង្គ្រោះប្រជាជន ក្នុងអំឡុងពេលមានជំងឺរាតត្បាតនេះក៏ដោយ៕

វីដេអូ៖