មួយថ្ងៃ ពលរដ្ឋ ឥណ្ឌា ជិត ៣០ នាក់ ត្រូវរន្ទះបាញ់ស្លាប់

ក្រុមមន្រ្តីបាននិយាយថា មនុស្សចំនួន ២៧ នាក់ត្រូវបានសម្លាប់និងច្រើននាក់ផ្សេងទៀត រងរបួសដោយសាររន្ទះបាញ់កាលពីថ្ងៃចន្ទនៅតាមតំបន់ផ្សេងៗនៃរដ្ឋ West Bengal ភាគខាងកើតប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្លាប់នេះ ត្រូវបានរាយការណ៍មកពីស្រុកចំនួន ៣ ផ្សេងគ្នានៃរដ្ឋនេះ។

ក្រុមមន្រ្តីបាននិយាយថា រដ្ឋ West Bengal ត្រូវបានវាយប្រហារដោយព្យុះ លាយឡំនឹងផ្គររន្ទះកាលពីល្ងាចថ្ងៃចន្ទ។

រដ្ឋមន្ត្រីគ្រប់គ្រងគ្រោះមហន្តរាយ West Bengal លោក Javed Ahmed Khan បានប្រាប់ AFP ថា “មនុស្សចំនួន២៧នាក់ដែលត្រូវបានសម្លាប់នៅក្នុងរដ្ឋគឺជា កសិករនៅតាមស្រែចម្ការ”។

គួរបញ្ជាក់ថា មនុស្សជិត២,៩០០នាក់ ត្រូវបានសម្លាប់ដោយរន្ទះបាញ់នៅប្រទេសឥណ្ឌា ក្នុងឆ្នាំ២០១៩។ នេះបើយោងតាមការិយាល័យកំណត់ត្រាឧក្រិដ្ឋកម្មជាតិ។

រដូវមូសុង មានសារៈសំខាន់ណាស់សម្រាប់ការផ្គត់ផ្គង់ទឹកនៅ តំបន់អាស៊ីខាងត្បូងប៉ុន្តែក៏បណ្តាលឲ្យមានការស្លាប់និងការបំផ្លិចបំផ្លាញទូទាំងតំបន់នេះ ជារៀងរាល់ឆ្នាំផងដែរ៕

ប្រែសម្រួល៖​ Vann Vann

ប្រភព៖ CNA

ចុចអាន៖ ឆេះរោងចក្រគីមីនៅឥណ្ឌា ស្លាប់មនុស្ស១៨នាក់