បំផ្លាញវ៉ាក់សាំង៥០០ដូស អតីតឱសថការីអាមេរិកម្នាក់ត្រូវជាប់ពន្ធនាគារ៣ឆ្នាំ

អតីតឱសថការីម្នាក់នៅក្នុងរដ្ឋ Wisconsin ដែលបានបំផ្លាញវ៉ាក់សាំងកូវីដចំនួន៥០០ដូសដោ​យចេតនា ត្រូវបានផ្តន្ទាទោសឲ្យជាប់ពន្ធនាគាររយៈពេល៣ឆ្នាំកាលពីថ្ងៃពុធទី៩ខែមិថុនា។

លោក Steven Brandenburg អាយុ៤៦ឆ្នាំ បានសារភាពទោសកំហុសកាលពីខែកុម្ភៈចំពោះការចោទប្រកាន់ពីបទប៉ុនប៉ងធ្វើឲ្យខូច ផលិតផលអ្នកប្រើប្រាស់។

គាត់បានសារភាពថា គាត់មានចេតនាដកវ៉ាក់សាំង Moderna ចេញពីទូទឹកកក រយៈពេលច្រើនម៉ោងនៅឯមជ្ឈមណ្ឌលវេជ្ជសាស្ត្រ Aurora ក្នុងទីក្រុង Grafton ភាគខាងជើងទីក្រុង Milwaukee។

នៅក្នុងសេចក្តីថ្លែងការណ៍មួយមុនពេលទទួលការកាត់ទោស លោក Brandenburg បាននិ​យាយថា គាត់មានអារម្មណ៍អាម៉ាស់ណាស់ ហើយទទួលខុសត្រូវចំពោះសកម្មភាពរបស់ខ្លួន។

លោក Brandenburg បានឲ្យដឹងថា ហេតុផលដែលគាត់បំផ្លាញវ៉ាក់សាំងទាំងនោះ ពីព្រោះគាត់ជឿជាក់ថា វ៉ាក់សាំងអាចនឹងផ្លាស់ប្តូរ DNA របស់មនុស្ស៕

ប្រែសម្រួល៖ Vann Vann

ប្រភព៖ CNA

ចុចអាន៖ អង្គការ មួយ នឹង ចំណាយ ១.៣ ប៊ីលាន ដុល្លារ ជួយ វ៉ាក់សាំង ដល់អាហ្វ្រិក