ព័ត៌មានអន្ដរជាតិ
សង្គ្រាមអាចផ្ទុះឡើង! ចិន និងឥណ្ឌា កំពុងបង្កើនសកម្មភាពកងទ័ព នៅព្រំដែនជម្លោះ
ប្រទេសចិននិងឥណ្ឌា កំពុងបង្កើនកម្លាំងយោធារបស់ខ្លួននៅតាមបណ្តោយព្រំដែនដែលមានជម្លោះ ក្នុងតំបន់ហិមាល័យ ស្របពេលមានការភ័យខ្លាចកាន់តែខ្លាំងថា សង្គ្រាមរវាងមហាអំណាចអាស៊ីទាំងពីរនេះ នឹងផ្ទុះឡើង។
កាលពីខែមិថុនាឆ្នាំមុន មានការផ្ទុះឡើងនូវការប្រយុទ្ធគ្នាដ៏សាហាវជាលើកដំបូង រវាងភាគីទាំងពីរចាប់តាំងពីឆ្នាំ១៩៧៥មក នៅជ្រលងភ្នំ Galwan។ ទាហានទាំងសងខាងបានប្រឈមមុខដាក់គ្នាដោយអាវុធ រួមទាំងព្រនង់និងដំបងផងដែរ ដែលនាំទៅដល់ការស្លាប់ទាហានឥណ្ឌាយ៉ាងតិច២០នាក់ និងចិន៤នាក់។
ជម្លោះនោះបានកើតឡើងនៅលើខ្សែបន្ទាត់ព្រំដែនមានជម្លោះប្រវែង ៣,៤៤០ គីឡូម៉ែត្រ ដែលត្រូវបានគេស្គាល់ថា ជាខ្សែបន្ទាត់ត្រួតពិនិត្យជាក់ស្តែង (LAC)។
ភាពតានតឹងបានបន្តកើនឡើងរវាងប្រទេសជិតខាងមានអាវុធនុយក្លេអ៊ែរទាំង២ ដោយរូបថតផ្កាយរណបបង្ហាញពីភាគីទាំងខាងសង បង្កើនសមត្ថភាពយោធារបស់ពួកគេយ៉ាងឆាប់រហ័ស។
ទីក្រុងញូវដែលី បានបង្កើនវត្តមានយោធារបស់ខ្លួននៅក្នុងតំបន់នោះ ដោយការដាក់ពង្រាយកងទ័ពចំនួន៦០,០០០នាក់ និងអាវុធទំនើបៗ រួមមានទាំងមីស៊ីលបាញ់ពីដីទៅអាកាស និងយន្ដហោះចម្បាំង Rafale ចំនួន២៤គ្រឿងផងដែរ។
ឥណ្ឌាក៏បានបន្ថែមកងទ័ពចំនួន១០,០០០នាក់ផងដែរ ទៅក្នុងអង្គភាពប្រយុទ្ធរបស់ខ្លួន ដែលត្រូវបានបណ្តុះបណ្តាលជាពិសេសសម្រាប់ការប្រយុទ្ធជាមួយចិននិងប៉ាគីស្ថាន។
ចំណែកឯទីក្រុងប៉េកាំងវិញ នៅតែបន្តធ្វើសមយុទ្ធបាញ់គ្រាប់ពិត ដោយប្រើប្រាស់កាំភ្លើងត្បាល់ នៅក្នុងដំណើរការមួយដែលផ្ទុយពីកិច្ចព្រមព្រៀងមិនឲ្យប្រើប្រាស់អាវុធនៅក្បែរព្រំដែនឆ្នាំ១៩៩៦។
ក្រុមអ្នកវិភាគសន្តិសុខ មានការព្រួយបារម្ភកាន់តែខ្លាំងឡើងពីសកម្មភាពដ៏ខ្លាំងក្លារបស់ចិននៅក្នុងតំបន់ និងការឆ្លើយតបរបស់ឥណ្ឌា។
លោក Pravin Sawhney និពន្ធនាយកនៃទស្សនាវដ្តីសន្តិសុខជាតិ Force បានប្រាប់កាសែត Daily Telegraph ថា “ការគំរាមកំហែងរបស់ចិនកំពុងកើនឡើងយ៉ាងខ្លាំង ដោយសារតែសមត្ថភាព ដែលកងទ័ពរំដោះប្រជាជនចិន (PLA) កំពុងធ្វើ។ ឥឡូវនេះ មិនមានសង្គ្រាមទេ ប៉ុន្តែនៅពេលអ្នកបង្កើនការគំរាមកំហែង សង្គ្រាមគឺមិនអាចចៀសរួចឡើយ”។
ប្រទេសចិននៅតែបន្តការប្រមូលផ្តុំកងទ័ពទ្រង់ទ្រាយធំនៅតំបន់វាលទំនាប Depsang និងតំបន់ Hot Springs តាមបណ្តោយព្រំដែន។
ស្របពេលជាមួយគ្នានោះ នាយឧត្តមសេនីយ៍ M M Navarane ប្រធានកងទ័ពឥណ្ឌាបាននិយាយថា មិនអាចមានការថមថយភាពតានតឹងទេ រហូតដល់ចិនដកកងទ័ពរបស់ខ្លួនចេញ៕
ប្រែសម្រួល៖ Vann Vann
ប្រភព៖ Express
ចុចអាន៖ ក្រោយទទួលស្គាល់មានទាហាន៤នាក់ស្លាប់ ពេលនេះចិន បញ្ចេញវីដេអូប្រយុទ្ធជាមួយឥណ្ឌា
រុស្ស៊ីចាប់ផ្តើមឲ្យកេណ្ឌទ័ពថ្មីក្នុងកាតព្វកិច្ចយោធា ចំនួន១៦ម៉ឺននាក់ចាប់ពីថ្ងៃ១មេសានេះ
តម្លៃសាំងលក់រាយកើនឡើងបន្តិច នៅដើមខែមេសា
សុវត្ថិ មុនីនាគ ធ្វើឱ្យអ្នកគាំទ្រវិស័យចម្រៀងនៅកម្ពុជា ពោលសរសើរសឹងគ្រប់គ្នា ក្រោយបង្ហាញ MVចម្រៀងថ្មី
តម្លៃមាសបន្តហក់ឡើងឡើងជិត $៤ ០០០ ក្នុងមួយតម្លឹង
តម្លៃមាសបំបែកកំណត់ត្រាថ្មី ជាង ៣ ១០០ ដុល្លារ/អោន ជុំវិញពន្ធ ត្រាំ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៤ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី