សូម្បីសត្វនៅឥណ្ឌា ក៏កូវីដមិនលើកលែង ខ្លះឆ្លង ខ្លះងាប់

ចំពេលដែលជំងឺកូវីដ-១៩ កំពុងបង្កការភ័យខ្លាចចំពោះសត្វពាហនៈ, ដំរីចំនួន២៨ក្បាល ត្រូវបានធ្វើតេស្តរកជំងឺនេះនៅដែនអភិរក្ស Mudumalai Tiger ក្នុងទីក្រុង Chennai កាលពីថ្ងៃអង្គារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំណាក ត្រូវបានបញ្ជូនទៅវិទ្យាស្ថានស្រាវជ្រាវបសុពេទ្យឥណ្ឌា នៅរដ្ឋ Uttar Pradesh ហើយលទ្ធផលត្រូវគេរំពឹងថា នឹងដឹងក្នុងរយៈពេលពីរបីថ្ងៃខាងមុខ។

រឿងនេះកើតឡើង បន្ទាប់ពីសត្វតោញីមួយក្បាលបានស្លាប់ដោយសារជំងឺកូវីដ-១៩ ហើយសត្វតោមួយចំនួនទៀត ត្រូវបានគេធ្វើតេស្តវិជ្ជមាននៅឯឧទ្យាន Arignar Anna Zoological។

បន្ទាប់ពីនេះ រដ្ឋមន្រ្តីក្រសួងព្រៃឈើរដ្ឋលោក Ramachandran បានបញ្ជាឲ្យមានការធ្វើតេស្ត សត្វដំរីទាំងអស់ នៅក្នុងដែនជម្រក Mudumalai Tiger។

កាលពីខែមុន សត្វតោញីចំនួនពីរក្បាល បានធ្វើតេស្តវិជ្ជមានជំងឺកូវីដ-១៩ នៅឧទ្យាន Etawah Safari ក្នុងរដ្ឋ Uttar Pradesh ហើយសត្វតោអាស៊ី៨ក្បាលទៀត នៅឧទ្យាន Nehru បានធ្វើតេស្តវិជ្ជមានកាលពីថ្ងៃទី៤ឧសភា៕

ប្រែសម្រួល៖ Vann Vann

ប្រភព៖ ANI

ចុចអាន៖ រឿងធ្ងន់ធ្ងរ ២យ៉ាង ដែលអ្នកត្រូវព្រួយបារម្ភបំផុត បើឆ្លងវីរុសបំប្លែងខ្លួនឥណ្ឌា