ព័ត៌មានអន្ដរជាតិ
លោក Putin ចុះហត្ថលេខាលើការកសាងមជ្ឈមណ្ឌលយុទ្ធសាស្ត្រនៅសមុទ្រក្រហម
លោកប្រធានាធិបតីរុស្ស៊ី Vladimir Putin បានយល់ព្រមសាងសង់មជ្ឈមណ្ឌលដឹកជញ្ជូនកងទ័ពជើងទឹករុស្ស៊ីនៅលើសមុទ្រក្រហមដែលស្ថិតនៅចន្លោះទ្វីបអាហ្វ្រិក និងអាស៊ីដែលប្រគល់ភារកិច្ចឲ្យក្រសួងការពារជាតិដោយចុះហត្ថលេខាលើកិច្ចព្រមព្រៀងដែលបានពិភាក្សាពីមុនជាមួយប្រទេសស៊ូដង់ ។
សំណើរបង្កើតទីតាំងនៅប្រទេសអាហ្វ្រិកខាងជើងដែលលោក Putin បានផ្តល់ភ្លើងខៀវកាលពីថ្ងៃចន្ទត្រូវបានរដ្ឋាភិបាលរុស្ស៊ីប្រកាសកាលពីសប្តាហ៍មុន ។
ទីក្រុង Moscow និងទីក្រុង Khartoum បានចុះហត្ថលេខាលើកិច្ចព្រមព្រៀងសហប្រតិបត្តិការយោធារយៈពេល ៧ ឆ្នាំកាលពីឆ្នាំមុន ហើយចក្ខុវិស័យនៃមជ្ឈមណ្ឌលដឹកជញ្ជូនកងទ័ពជើងទឹកមួយនេះត្រូវបានពិភាក្សាគ្នារួចហើយដោយភាគីទាំងពីរ ។
ទីតាំងនៅប្រទេសស៊ូដង់មានគោលបំណងដើម្បីដាក់ស្ថានីយ៍ និងជួសជុលកប៉ាល់រុស្ស៊ីក៏ដូចជាដើម្បីផ្ទុកនូវការផ្គត់ផ្គង់ចាំបាច់សម្រាប់នាវាក្នុងអំឡុងពេលបេសកកម្មដ៏វែងឆ្ងាយរបស់ពួកគេ ។ វានឹងត្រូវបំពាក់ដោយបុគ្គលិកសេវាកម្មរហូតដល់ ៣០០ នាក់ ហើយនឹងអាចដាក់នាវាចម្បាំងរហូតដល់ទៅ ៤ គ្រឿងក្នុងពេលដំណាលគ្នារួមទាំងនាវាដែលបំពាក់ប្រព័ន្ធជំរុញនុយក្លេអ៊ែរផងដែរ ។
កិច្ចព្រមព្រៀងព្រាងនេះត្រូវបានរៀបចំឡើងអស់រយៈពេល ២៥ ឆ្នាំមកហើយ ។ បន្ទាប់មកវាអាចនឹងត្រូវបន្តដោយស្វ័យប្រវត្តិក្នុងរយៈពេល ១០ ឆ្នាំទៀត ប្រសិនបើចាំបាច់ ។
រដ្ឋាភិបាលរុស្ស៊ីបាននិយាយរួចហើយថា មជ្ឈមណ្ឌលដឹកជញ្ជូននៅស៊ូដង់នឹងរួមចំណែកដល់សន្តិភាព និងស្ថិរភាពនៅក្នុងតំបន់ដោយសង្កត់ធ្ងន់ថាវានឹងមានលក្ខណៈការពារសុទ្ធសាធ ។ យោងតាមរបាយការណ៍របស់ប្រព័ន្ធផ្សព្វផ្សាយបានឲ្យដឹងថា វានឹងមានទីតាំងនៅកណ្តាលទីក្រុងកំពង់ផែ Port Sudan ដែលជាកំពង់ផែដ៏សំខាន់របស់ប្រទេស ។
គួរបញ្ជាក់ថា ទីតាំងនៅប្រទេសស៊ូដង់ទំនងជាប្រហាក់ប្រហែលនឹងមុខងារមួយដែលបច្ចុប្បន្នដំណើរការដោយប្រទេសរុស្ស៊ីនៅទីក្រុង Tartus លើឆ្នេរមេឌីទែរ៉ាណេនៃប្រទេសស៊ីរី ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ ក្រសួងការបរទេសអាមេរិកបារម្ភថា ដ្រូនមុជទឹករបស់រុស្ស៊ីអាចបង្កជារលកយក្សស៊ូណាមិលើប្រទេសខ្លួន
ចុចអាន ៖ ស្តែងៗ វីដេអូថតជាប់យន្តហោះដឹកទំនិញធុនយក្សរុស្ស៊ីជួបបញ្ហាបច្ចេកទេសពេលកំពុងហោះហើរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង