យន្តហោះយោធាមីយ៉ាន់ម៉ា ដឹកព្រះសង្ឃទៅវត្ត ធ្លាក់ទាំងមិនដឹងមូលហេតុ ស្លាប់១២នាក់

យន្តហោះយោធាមួយគ្រឿង បានធ្លាក់នៅថ្ងៃព្រហស្បតិ៍នេះ ជិតទីក្រុងធំបំផុតទី ២ របស់ប្រទេសមីយ៉ាន់ម៉ា Mandalay ដោយបានសម្លាប់មនុស្សចំនួន ១២ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានីយ៍ទូរទស្សន៍ Myawaddy ដែលគ្រប់គ្រងដោយយោធាបានរាយការណ៍ថា យន្ដហោះនេះ បានហោះចេញពីរដ្ឋធានី ណៃពិដោ ឆ្ពោះទៅទីប្រជុំជន Pyin Oo Lwin ហើយរៀបនឹងចុះចត នៅពេលវាធ្លាក់ ក្នុងចម្ងាយ ៣០០ ម៉ែត្រ ពីរោងចក្រដែកមួយ។

ប្រព័ន្ធផ្សព្វផ្សាយផ្សេងទៀតបានរាយការណ៍ថា យន្ដហោះនេះ មានដឹកយោធាចំនួន ៦ នាក់រួមទាំងព្រះសង្ឃផងដែរ ដែលនឹងត្រូវចូលរួមក្នុងពិធីសាសនា នៅវត្តមួយ។

យ៉ាងណាក្តី មិនមានរបាយការណ៍នៃការស្លាប់និងរបួស ក្នុងចំណោមមនុស្សនៅលើដីនោះទេ។ អ្នកបើកយន្ដហោះ និងអ្នកដំណើរម្នាក់ បានរួចផុតជីវិតហើយត្រូវបានបញ្ជូនទៅមន្ទីរពេទ្យយោធា។

គេមិនទាន់ដឹងច្បាស់ពីអ្វី ដែលបណ្តាលឲ្យយន្តហោះនេះធ្លាក់នោះទេ៕

ប្រែសម្រួល៖ Vann Vann

ប្រភព៖ Reuters

ចុចអាន៖ UN​ ព្រមាន​ពី​ការ​ស្លាប់​ដ៏​ច្រើន​ដោយ​ភាព​អត់​ឃ្លាន​នៅ​មីយ៉ាន់ម៉ា