ព័ត៌មានអន្ដរជាតិ
វីរុសបំប្លែងខ្លួន Alpha ឆ្លងនៅ ថៃដល់ទៅ៨៨%
យោងតាមនាយកដ្ឋានវិទ្យាសាស្ត្រវេជ្ជសាស្ត្របានឲ្យដឹងថា ស្ទើរតែ៩០%នៃករណីឆ្លងកូវីដ-១៩នៅក្នុងប្រទេសថៃគឺវីរុសបំប្លែងខ្លួន Alpha ដែលជាវីរុសរកឃើញដំបូងនៅចក្រភពអង់គ្លេស។
អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ (DMS) លោកវេជ្ជបណ្ឌិត Supakit Sirilak បានឲ្យដឹងថា ការសិក្សាលើករណីចំនួន ៤ ១៨៥ នៅប្រទេសថៃបានធ្វើឡើងដោយមានសហការជាមួយមន្ទីរពិសោធរបស់សាកលវិទ្យាល័យនានាចាប់ពីខែមេសាដល់ខែមិថុនារកឃើញថា វីរុសបំប្លែងខ្លួន Alpha បានឆ្លងមនុស្សស្ទើរតែ ៣ ៧០៣នាក់ ឬស្មើ ៨៨.៤៨%។
លោកបន្តថា មានតែ៣៤៨ករណី ឬស្មើនឹង៨.៣២%ប៉ុណ្ណោះដែលត្រូវបានរកឃើញដោយវីរុសបំប្លែងខ្លួន Delta ដែលវីរុសនេះរកឃើញដំបូងនៅប្រទេសឥណ្ឌា និងមាន៩៨ករណី ឬស្មើ២.៣៤%ជាវីរុសបំប្លែងខ្លួន B.1 (dade G), B.1 (dade GH), B.1.1.1 (dade GR) ដែលវីរុសទាំងនេះរកឃើញដំបូងនៅប្រទេសចិន។
ជាមួយគ្នានេះ មានតែ ២៦ករណី ឬស្មើ ០.៦២%ឆ្លងដោយវីរុសបំប្លែងខ្លួន Beta ដែលវីរុសនេះរកឃើញដំបូងនៅអាហ្វ្រិក និងមាន១០ករណី ឬស្មើ ០.២៤%ជាវីរុសបំប្លែងខ្លួន B.1.524។
លោក Supakit បានលើកឡើងការសិក្សារបស់សុខភាពសាធារណៈអង់គ្លេស (PHE) និងអង្គការសុខភាពពិភពលោក (WHO) ដោយបានបញ្ជាក់ថា វីរុសបំប្លែងខ្លួន Alpha មានឥទ្ធិពលឆ្លងអាក្រក់ និងគ្រោះថ្នាក់ដល់អាយុជីវិតជាង បើប្រៀបធៀបនឹងវីរុសដើម។
លោកវេជ្ជបណ្ឌិត Supakit បន្តថា ទោះជាយ៉ាងណា ការចាក់វ៉ាក់សាំងនៅតែអាចមានប្រសិទ្ធភាពប្រឆាំងនឹងវីរុសបំប្លែងខ្លួននេះ។
លោកបន្ថែមថា វីរុសបំប្លែងខ្លួន Delta (ឥណ្ឌា) ឆ្លងខ្លាំងជាងវីរុសបំប្លែងខ្លួន Alpha ប៉ុន្តែវាមិនបង្កគ្រោះថ្នាក់ធ្ងន់ធ្ងរទេ ហើយវ៉ាក់សាំងក៏មានប្រសិទ្ធភាពការពារលើវាថែមទៀត។
លោកថា ទន្ទឹមជាមួយគ្នានេះ ករណីឆ្លងវីរុសបំប្លែងខ្លួន Beta បានចុះខ្សោយហើយ ប៉ុន្តែវានៅតែបង្កឲ្យគ្រោះថ្នាក់ដល់អាយុជីវិតខ្លាំងជាងវីរុសដើម។
សូមបញ្ជាក់ថា អង្គការសុខភាពពិភពលោកបានប្រកាសប្រើឈ្មោះវីរុសបំប្លែងខ្លួនជាអក្សរក្រិកដើម្បីជៀសទុទិដ្ឋិទៅលើប្រទេសដែលរកឃើញវីរុសបំប្លែងខ្លួនមុនគេ៕
សូមអានបន្ថែម៖ WHO ដាក់ឈ្មោះវីរុសបំប្លែងខ្លួនអង់គ្លេស ឥណ្ឌា និងផ្សេងទៀតដោយអក្សរក្រិក
ប្រែសម្រួល៖ វីរបុត្រ
ប្រភព៖ bangkokpost
Kim Soo-hyun បដិសេធពាក្យចចាមអារ៉ាមស្នេហាជាមួយតួឯកស្រីក្នុងរឿង «Queen of Tears»
ដុតទៀនធូបសែនចូលឆ្នាំចិន ចាក់សោរទុកចោលក្លាយជាអគ្គិភ័យឆេះផ្អើលអ្នកជិតខាង
នារី២នាក់ ប្រជែងនឹងបុរស៦នាក់ វគ្គ៨នាក់ចុងក្រោយកម្មវិធី Frenzy Freestyle
យោធាមីយ៉ាន់ម៉ាវាយប្រហារលើមន្ទីពេទ្យនិងភូមិសម្លាប់មនុស្ស២០នាក់
IMF៖ កំណើនសេដ្ឋកិច្ចកម្ពុជាសម្រេចបានក្នុងអត្រា៥,៥ ភាគរយក្នុង ២០២៤ និងកើនដល់ ៥,៨ ភាគរយនៅឆ្នាំ២០២៥
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អ្នកគាំទ្រតារាចម្រៀងរ៉េប G-Devith និង វណ្ណដា ផ្ទុះការផ្លែផ្កាឌឺដងដាក់គ្នាព្រោះតែរឿងនេះ
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
លោក ហ្សេលេនស្គី បញ្ចេញប្រតិកម្មជុំវិញរឿងដែលអាមេរិកផ្អាកជំនួយរយៈពេល៩០ថ្ងៃ
សម្ព័ន្ធមិត្តចាក់ទឹកមិនលិចរបស់រុស្ស៊ី នឹងទទួលបានមីស៊ីលល្បឿនលឿនជាងសំឡេងស៊េរីទំនើប ឆាប់ៗ
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
សន្តិសុខសង្គម១ សប្តាហ៍ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ១ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក
-
សន្តិសុខសង្គម២ ថ្ងៃ agoអគ្គិភ័យឆេះផ្ទះស្តុកគ្រឿងបន្លាស់រថយន្តបណ្ដាលឲ្យខូចខាតសម្ភារៈមួយចំនួន