នាវាពិឃាតបំពាក់មីស៊ីលប្រដេញ អាមេរិក ធ្វើដំណើរទៅសមុទ្រខ្មៅ អនុវត្តប្រតិបត្តិការសន្តិសុខក្នុងតំបន់

កងនាវាចរអាមេរិក បានប្រកាសនៅថ្ងៃសុក្រនេះថា នាវាពិឃាដអាមេរិក ដែលមានបំពាក់មីស៊ីលប្រដេញឈ្មោះ Laboon កំពុងធ្វើដំណើរឆ្ពោះទៅសមុទ្រខ្មៅ ដើម្បីអនុវត្តប្រតិបត្តិការ សន្តិសុខតាមសមុទ្រ ។

កងនាវាចរអាមេរិក បានសរសេរលើបណ្តាញសង្គម Twitter ថា “និវាពិឃាត Laboon បានចាប់ផ្តើមដំណើរឆ្លងកាត់ភាគខាងជើងរបស់ខ្លួន ចូលទៅក្នុងសមុទ្រខ្មៅ ដើម្បីអនុវត្តប្រតិបត្តិការសន្តិសុខក្នុងតំបន់ ។ កងនាវាចរអាមេរិក ត្រៀមធ្វើប្រតិបត្តិការជាប្រចាំ ជាមួយសម្ព័ន្ធមិត្តណាតូ និងដៃគូនៅសមុទ្រខ្មៅ” ។

នាវាពិឃាតអាមេករិក ដែលមានបំពាក់មីស៊ីលប្រដេញប្រភេទ Arleigh Burke-class ដែលបានធ្វើបេសកកម្មនៅឆ្នាំ ១៩៩៥ មានប្រព័ន្ធការពារមីស៊ីល Aegis ចំនួន ២ គ្រឿង ដែលអាចផ្ទុកមីស៊ីលនុយក្លេអ៊ែរ Tomahawk ចំនួន ៥៦ គ្រាប់ ។ វាក៏ត្រូវបានបំពាក់ដោយឧទ្ធម្ភាគចក្រ SH-60 Sea Hawk ផងដែរ ។

នាវាចម្បាំង និងយន្តហោះយោធាអាមេរិក កំពុងធ្វើទស្សនកិច្ចនៅសមុទ្រខ្មៅ ច្រើនឡើងច្រើនសារក្នុងប៉ុន្មានឆ្នាំកន្លងមកនេះ ដោយសារទំនាក់ទំនងកាន់តែតានតឹងរវាងណាតូ និងទីក្រុងម៉ូស្គូ ។ យ៉ាងហោចណាស់នាវាពិឃាត ៣ គ្រឿងរបស់អាមេរិក និងនាវាល្បាត ១ គ្រឿង បានចូលសមុទ្រខ្មៅចាប់តាំងពីដើមឆ្នាំ ២០២១ ។

ទន្ទឹមនោះ អគ្គសេនាធិការកងទ័ពរុស្ស៊ីលោក Valery Gerasimov បានសង្កត់ធ្ងន់កាលពីឆ្នាំមុនថា សកម្មភាពរបស់នាវាសម្ព័ន្ធមិត្តនៅសមុទ្រខ្មៅ សមុទ្របាល់ទិក និងសមុទ្រ Barents បានឈានដល់កម្រិតថ្មី ខណៈក្រុងម៉ូស្គូបានព្រមានម្តងហើយម្តងទៀតថា សកម្មភាពបែបនេះ ដែលធ្វើឡើងដោយប្លុកក្បែរព្រំដែនរុស្ស៊ី អាចបណ្តាលឲ្យមានឧប្បត្តិណាមួយហេតុកើតឡើង ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ នាវាចម្បាំង អាមេរិក ដំបូងឆ្លងកាត់ច្រកសមុទ្រតៃវ៉ាន់ ចាប់តាំងពីលោក Biden ឡើងកាន់តំណែង