ចេញពីផ្ទះពេលកំពុងធ្វើចត្តាឡីស័ក បុរសវៀតណាម ៣នាក់ ត្រូវពិន័យជាប្រាក់ជិត ១,០០០ ដុល្លារ

អាជ្ញាធរខេត្ត Ha Tinh បានពិន័យបុរសចំនួន ៣ នាក់គិតជាទឹកប្រាក់ ២០ លានដុង (៨៦៨ ដុល្លារអាមេរិក) ដោយសារតែចាកចេញពីផ្ទះ អំឡុងពេលធ្វើចត្តាឡីស័ក។

បុរសទាំង៣ គឺជាអ្នករស់នៅក្នុងស្រុក Ky Anh។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសពីរនាក់ មានអាយុ ១៩ និង ២៧ ឆ្នាំ ត្រូវបានពិន័យជាប្រាក់ចំនួន ៧.៥ លានដុង (៣២៥,៧៩ ដុល្លារ) ក្នុងម្នាក់ខណៈ បុរសម្នាក់ទៀតអាយុ ៦១ ឆ្នាំ ត្រូវពិន័យ ៥ លានដុង (២១៧,១៩ ដុល្លារ) តាមអនុក្រឹត្យរបស់រដ្ឋាភិបាលស្តីពីការមិនអនុវត្តវិធានការការពារប្រឆាំងនឹងរោគរាតត្បាត។

ពួកគេស្ថិតនៅតំបន់ដែលរងការវាយប្រហារដោយ កូវីដ ក្នុងទីក្រុងហាណូយ ហើយបានចាកចេញទៅស្រុកកំណើត នៅចន្លោះថ្ងៃទី ៦ ខែឧសភាដល់ថ្ងៃទី ១ ខែមិថុនា។ ពួកគេត្រូវបានដាក់ឲ្យធ្វើចត្តាឡីស័កក្នុងផ្ទះរយៈពេល ២ សប្តាហ៍។

ប៉ុន្តែអាជ្ញាធរសុខាភិបាលបានរកឃើញថា ពួកគេទាំង ៣ បានចាកចេញពីផ្ទះរៀងៗខ្លួនហើយមិនបានគោរពខ្ជាប់ខ្ជួនចំពោះការប្តេជ្ញាចិត្តធ្វើចត្តាឡីស័ក ដែលពួកគេបានចុះហត្ថលេខាទេ។

ពួកគេបានប្រាប់អាជ្ញាធរថា ពួកគេចាកចេញពីផ្ទះ ដើម្បីរកស៊ី និងមិនបានយល់ច្បាស់ពីបទបញ្ជាធ្វើចត្តាឡីស័ក៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ស្ថិតក្នុងចំណោមប្រទេសទាំង៩២ ដែលសហរដ្ឋអាមេរិក នឹងផ្តល់ វ៉ាក់សាំង Pfizer–BioNTech ឲ្យ