ព័ត៌មានអន្ដរជាតិ

ក្រោយផ្ទុះឆ្លងថ្មីច្រើនឡើងៗ វៀតណាម អនុម័តវ៉ាក់សាំងទីបួន Pfizer-BioNTech សម្រាប់ប្រើប្រាស់ជាបន្ទាន់

បានផុស

៤ years មុន

នៅ

ថ្ងៃអាទិត្យ ១៣ មិថុនា ២០២១

ដោយ

សាង ស្រីល័ក្ខ

រដ្ឋាភិបាលបាននិយាយកាលពីថ្ងៃ សៅរ៍ ថា ប្រទេសវៀតណាមបានអនុម័តលើវ៉ាក់សាំង Pfizer–BioNTech សម្រាប់ប្រើប្រាស់ជាបន្ទាន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Pfizer – BioNTech គឺជាវ៉ាក់សាំងទីបួន ដែលត្រូវបានអនុម័តនៅក្នុងប្រទេសអាស៊ីអាគ្នេយ៍មួយនេះ និងកំពុងដោះស្រាយការផ្ទុះឡើងថ្មីក្នុងប្រទេស។

គិតមកដល់ពេលនេះ វៀតណាមបានអនុម័តលើវ៉ាក់សាំង AstraZeneca , Sputnik V របស់រុស្ស៊ីនិងវ៉ាក់សាំង Sinopharm របស់ប្រទេសចិន។ វៀតណាមក៏បាននិយាយដែរថា ខ្លួនកំពុងស្វះស្វែងរកទិញវ៉ាក់សាំង Pfizer-BioNTech ចំនួន ៣១ លានដូស សម្រាប់ចែកចាយនៅត្រីមាសបន្ទាប់។

ទោះយ៉ាងណា វៀតណាមក៏កំពុងព្យាយាមពន្លឿនលទ្ធកម្មវ៉ាក់សាំងរបស់ខ្លួន ដើម្បីដោះស្រាយការឆ្លងមេរោគក្នុងប្រទេស បើទោះបីជាចំនួនអ្នកផ្ទុកកូវីដនិងចំនួនអ្នកស្លាប់នៅទាបក៏ដោយ។

ក្រសួងសុខាភិបាលក៏បាននិយាយផងដែរថា ខ្លួនកំពុងពិភាក្សាជាមួយក្រុមហ៊ុនផលិតវាក់សាំងអាមេរិក ដែលមិនស្គាល់អត្តសញ្ញាណ ដើម្បីផលិតវ៉ាក់សាំងមួយដូស ចំនួន ១០០ លាន ទៅ ២០០ លានក្នុងមួយឆ្នាំ។

គួរបញ្ជាក់ថា ស្ថានទូតសហរដ្ឋអាមេរិកនៅទីក្រុងហាណូយ បាននិយាយកាលពីថ្ងៃសុក្រ លើ Facebook ថា “លោកប្រធានាធិបតី Biden ទើបតែបានប្រកាសថា សហរដ្ឋអាមេរិកនឹងបរិច្ចាគវ៉ាក់សាំង Pfizer – BioNTech ចំនួនកន្លះពាន់លានដូស ដល់ប្រទេសចំនួន ៩២ លើពិភពលោករួមទាំងវៀតណាមផងដែរ៕

ប្រែសម្រួល៖ សាង ស្រីល័ក្ខ

ប្រភព៖tuoitrenews

ចុចអាន៖វៀតណាម ស្ថិតក្នុងចំណោមប្រទេសទាំង៩២ ដែលសហរដ្ឋអាមេរិក នឹងផ្តល់ វ៉ាក់សាំង Pfizer–BioNTech ឲ្យ

ចុចអាន៖ក្រុមហ៊ុនយក្សលំដាប់ពិភពលោកចំនួន២ ចូលរួមវិភាគទានជួយ វៀតណាម ទិញវ៉ាក់សាំងកូវីដ

Related Topics:ប្រទេសវៀតណាម