ព័ត៌មានអន្ដរជាតិ

មន្ទីរពេទ្យស៊ីរី រងការវាយប្រហារខ្ទេចខ្ទីដោយមីស៊ីល ស្លាប់ ១៣ នាក់ និងរបួសជាច្រើន

បានផុស

៤ years មុន

នៅ

ថ្ងៃអាទិត្យ ១៣ មិថុនា ២០២១

ដោយ

ប្រភពពីមន្ទីរពេទ្យក្នុងស្រុកនិងរដ្ឋាភិបាលទួរគីនិយាយថា មនុស្សយ៉ាងតិច ១៣ នាក់ ត្រូវបានសម្លាប់និងជាច្រើននាក់ទៀតរងរបួសនៅក្នុងការវាយប្រហារដោយមីស៊ីលពីរដាច់ដោយឡែកពីគ្នា នៅឯភាគខាងជើងទីក្រុង Afrin នៃប្រទេសស៊ីរី កាលពីថ្ងៃសៅរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីផ្នែកការពារជនស៊ីវិលបាននិយាយថា ការវាយប្រហារលើកទី ១ បានវាយប្រហារទៅលើតំបន់លំនៅឋាន ហើយទី ២ បានវាយប្រហារនៅក្នុងមន្ទីរពេទ្យភ្លាមៗ។ រូបភាពវីដេអូនៅលើបណ្ដាញសង្គមបានបង្ហាញពីការស្លាប់និងរបួស ខណៈមន្ទីរពេទ្យ Al Shifa បានរងនៅការបាក់បែកយ៉ាងខ្លាំង។

ក្រសួងការពារជាតិទួរគីដែលមានវត្តមានយោធាយ៉ាងច្រើននៅក្នុងតំបន់ស៊ីរី ក៏បានបញ្ជាក់ថា អ្នកស្លាប់កើនឡើងដល់ ១៣ នាក់ ហើយមនុស្ស ២៧ នាក់បានរងរបួស។

ការិយាល័យអភិបាលទួរគីនៃខេត្ត Hatay ដែលមានព្រំប្រទល់ជាប់ជាមួយទីក្រុង Afrin បាននិយាយថា ខ្លួនកំពុងស៊ើបអង្កេតលើឧប្បត្តិហេតុនេះ ហើយនិយាយថា មីស៊ីលត្រូវបានបាញ់ចេញពីតំបន់ Tel Rifat ដែលគ្រប់គ្រងដោយរដ្ឋាភិបាលស៊ីរី៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖រកឃើញអ្នកស្លាប់ជាង៥០នាក់ ពីការលិចទូកនៅនីហ្សេរីយ៉ា