ក្រោយអស់តំណែង លោក Netanyahu ប្តេជ្ញាផ្តួលរំលំរដ្ឋាភិបាលចម្រុះថ្មី ហើយត្រៀមវិលមករកអំណាចវិញ

នាយករដ្ឋមន្រ្តីអ៊ីស្រាអែលលោក Benjamin Netanyahu កាលពីថ្ងៃអាទិត្យបានប្តេជ្ញាថា នឹងធ្វើការដើម្បីទម្លាក់រដ្ឋាភិបាលចម្រុះថ្មីវិញ បន្ទាប់​ពីត្រូវបានបញ្ចប់តំណែង ក្រោយ​ក្រុម​គណបក្ស​ប្រឆាំង ​​ទទួល​បាន​ជោគជ័យ ​ក្នុង​ការ​បោះឆ្នោត​រដ្ឋសភា ។

លោក Netanyahu បានព្យាករណ៍ថា រដ្ឋាភិបាលនាពេលខាងមុខ នឹងចុះខ្សោយចំពោះបញ្ហាខាងក្រៅ រួមទាំងមហិច្ឆតានុយក្លេអ៊ែររបស់អ៊ីរ៉ង់ និងសម្ពាធដែលអាចកើតមានរបស់អាមេរិក ក្នុងការធ្វើសម្បទានដល់ប្រជាជនប៉ាឡេស្ទីន ។

រដ្ឋាភិបាលចម្រុះថ្មីនៅអ៊ីស្រាអែល ត្រូវបានគេមើលឃើញថាជាការផ្លាស់ប្តូរដ៏ធំមួយ ព្រោះវាជាការបញ្ចប់អំណាចរយៈពេល ១២ ឆ្នាំសម្រាប់លោក Netanyahu ។

ទន្ទឹមនោះលោក Netanyahu ក៏បានរិះគន់មេដឹកនាំគណបក្សស្ដាំនិយម Yamina គឺលោក Bennett ពីបទរំលោភការសន្យា ដែលលោកបានសន្យាថានឹងមិនចូលរួម ជាមួយរដ្ឋាភិបាលគណបក្សអ៊ីស្រាអែល  និងក្រុមឆ្វេងនិយម ។

គួរបញ្ជាក់ថា ក្រោយការបាត់បង់អំណាចនេះ លោក Netanyahu កំពុងប្រឈមមុខនឹងការកាត់ក្តី ពីបទពុករលួយ និងរំលោភលើសេចក្តីទុកចិត្ត ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ទីបំផុត សម្ព័ន្ធ​ចម្រុះ​អ៉ីស្រាអែល​បាន​ការ​គាំទ្រ​ពី​សភា​បញ្ចប់​អំណាច​លោក​ Netanyahu

ចុចអាន ៖ លោក ចូ បៃដិន អបអរ​នាយក​រដ្ឋ​មន្ត្រី​​អ៉ីស្រាអែល​ភ្លាម​​ លោក Bennett ឆ្លើយតបភ្លាម