ប្រុងប្រយ័ត្ន! វៀតណាម កំពុងជួបព្យុះ និងព្រមានពីការបាក់ដី ទឹកជំនន់ និងភ្លៀងធ្លាក់ខ្លាំង

ព្យុះ Koguma ជាព្យុះទី ២ ដែលវាយប្រហារមកលើប្រទេសវៀតណាម នៅឆ្នាំនេះបានធ្លាក់ចុះកម្លាំង និងសម្ពាធកាលពីថ្ងៃអាទិត្យ បន្ទាប់ពីបានទៅដល់ខេត្ត Nghe An ភាគកណ្តាល ប៉ុន្តែបានព្រមានពីភ្លៀងធ្លាក់ខ្លាំងនៅថ្ងៃចន្ទនេះ ។

ព្យុះនេះបាននាំមកនូវភ្លៀងធ្លាក់ និងផ្គររន្ទះយ៉ាងខ្លាំង ដល់តំបន់ភាគខាងជើងរួមមាន ទីក្រុងហាណូយ និងខេត្តភាគកណ្តាល ពីខេត្ត Thanh Hoa ទៅខេត្ត Quang Tri ប៉ុន្តែមិនមានរបាយការណ៍ អំពីការស្លាប់ និងការខូចខាតឡើយ ។

ទន្ទឹមនោះ ការប្រឡងមធ្យមសិក្សានៅទីក្រុងហាណូយ ស្ថិតក្នុងការលំបាក ខណៈបេក្ខជនប្រឈមការធ្វើដំណើរ ទៅកន្លែងប្រឡងរបស់ពួកគេកាលពីថ្ងៃអាទិត្យ ដោយសារភ្លៀងធ្លាក់ខ្លាំង ។

បន្ថែមពីនេះ គ្រោះថ្នាក់នៃទឹកជំនន់ភ្លាមៗ និងការបាក់ដី ក៏ត្រូវបានគេព្យាករណ៍ផងដែរនៅថ្ងៃចន្ទនេះ នៅខេត្តភាគខាងជើងដូចជា ខេត្ត Hoa Bình ខេត្ត Son La ខេត្ត Lao Cai ខេត្ត Yen Bai ខេត្ត Phu Thọ ខេត្ត Tuyen Quang ខេត្ត Thai Nguyen ខេត្ត Quang Ninh ខេត្ត Lạng Son ខេត្ត Lai Chau និងខេត្ត Dien Bien រួមជាមួយខេត្តភាគកណ្ដាលផងដែរដូចជា ខេត្ត Thanh Hoa និងខេត្ត Ha Tin ភាគពាយព្យ ជាដើម ។

ស្របពេលជាមួយគ្នានេះ គណៈកម្មាធិការដឹកនាំកណ្តាលសម្រាប់ការការពារ និងត្រួតពិនិត្យគ្រោះមហន្តរាយធម្មជាតិ កំពុងញាប់ដៃញាប់ជើង ធ្វើការជាមួយអគ្គនាយកដ្ឋានជលផល និងបញ្ជាការដ្ឋានការពារព្រំដែន ដើម្បីត្រួតពិនិត្យការនេសាទ ។

ចំណែកកប៉ាល់នៅតាមសមុទ្រ ក៏ដូចជាទំនាក់ទំនងជាមួយអ្នកនេសាទ ដើម្បីបញ្ចៀសពីព្យុះ អាជ្ញាធរមូលដ្ឋានកំពុងសម្រួលអាជីវកម្មរបស់ខ្លួន ដើម្បីធានានូវសុវត្ថិភាព នៃការសាងសង់ទំនប់វារីអគ្គិសនី និងតាមដានកម្រិតទឹកនៅក្នុងវាលស្រែ នៅតាមទីជនបទ និងឧទ្យានឧស្សាហកម្ម ដើម្បីចៀសវាងភ្លាមៗ នូវគ្រោះថ្នាក់ទឹកជំនន់ ៕

ប្រែសម្រួលដោយ ៖ ជីវ័ន្ត

ប្រភព ៖ A24 news agency

ចុចអាន ៖ ក្រោយផ្ទុះឆ្លងថ្មីច្រើនឡើងៗ វៀតណាម អនុម័តវ៉ាក់សាំងទីបួន Pfizer-BioNTech សម្រាប់ប្រើប្រាស់ជាបន្ទាន់

ចុចអាន ៖ រុស្ស៊ី ពិចារណាផ្ទេរបច្ចេកវិទ្យាផលិតវ៉ាក់សាំង Sputnik V ទៅ វៀតណាម