ព័ត៌មានអន្ដរជាតិ

NATO ព្រមានពីបញ្ហាប្រឈមផ្នែកយោធាបង្កឡើងដោយចិន

បានផុស

៤ years មុន

នៅ

ថ្ងៃអង្គារ ១៥ មិថុនា ២០២១

ដោយ

មេដឹកនាំ Nato ដែលកំពុងជួបគ្នានៅក្នុងកិច្ចប្រជុំកំពូលប្រចាំឆ្នាំរបស់ខ្លួននៅទីក្រុងប្រូចសែលបានព្រមានពីការគំរាមកំហែងផ្នែកយោធាបង្កឡើងដោយប្រទេសចិន និងនិយាយថា ឥរិយាបថរបស់ចិនគឺជាបញ្ហាប្រឈមជាប្រព័ន្ធ។

ពួកគេនិយាយថា ប្រទេសចិនកំពុងពង្រីកអាវុធនុយក្លេអ៊ែរយ៉ាងឆាប់រហ័សគឺស្ថិតនៅក្នុងភាពស្រអាប់ពីទំនើបកម្មយោធា និងបានកំពុងសហប្រតិបត្តិការយោធាជាមួយប្រទេសរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធាន Nato លោក Jens Stoltenberg បានព្រមានចិនពីការកាន់តែខិតជិតនឹង Nato នៅក្នុងផ្នែកយោធា និងបច្ចេកវិទ្យា។ ប៉ុន្តែលោកបានសង្កត់ធ្ងន់ថា សម្ព័ន្ធមិត្តមិនត្រូវការសង្គ្រាមត្រជាក់ថ្មីជាមួយចិនទេ។

Nato គឺអង្គការសម្ព័ន្ធមិត្តប្រទេសអំណាចនយោបាយ និងយោធាដែលមានប្រទេស៣០រវាងអឺរ៉ុប និងអាមេរិកខាងជើង។ អង្គការនេះត្រូវបានបង្កើតឡើង បន្ទាប់ពីសង្គ្រាមលោកលើកទី២ដើម្បីជាការឆ្លើយតបទៅនឹងការគំរាមកំហែងពីការរីករាលដាលកុម្មុយនិស្ត។

ប៉ុន្មានឆ្នាំចុងក្រោយ សម្ព័ន្ធមិត្តនេះស្ថិតក្នុងស្ថានភាពតានតឹង នៅពេលមេដឹកនាំពិភាក្សាអំពីគោលបំណង និងថវិការបស់ខ្លួន។

ប្រធានាធិបតីតួកគី Recep Tayyip Erdogan និងលោក ចូ បៃដិន

ភាពតានតឹងបានកើនឡើងកំឡុងពេលអាណត្តិប្រធានាធិបតីអាមេរិក ដូណាល់ ត្រាំ ដែលបានត្អួញត្អែរអំពីការចូលរួមវិភាគទានថវិការបស់ប្រទេសខ្លួនទៅសម្ព័ន្ធមិត្ត និងបានកើតជាបញ្ហាពីការប្តេជ្ញាចិត្តរបស់អាមេរិកដើម្បីការពារដៃគូអឺរ៉ុប។

នេះគឺជាកិច្ចប្រជុំកំពូល NATO លើកដំបូងរបស់លោកប្រធានាធិបតី ចូ បៃដិន ដែលស្នងតំណែងពីលោក ដូណាល់ ត្រាំ ហើយប្រធានាធិបតីថ្មីរូបនេះបានព្យាយាមបង្ហាញពីការគាំទ្ររបស់អាមេរិកសម្រាប់សម្ព័ន្ធមិត្តដែលមានអាយុកាល៧២ឆ្នាំនេះ។

លោក ចូ បៃដិន មានប្រសាសន៍ថា Nato មានសារៈសំខាន់ខ្លាំងណាស់សម្រាប់ផលប្រយោជន៍អាមេរិក ហើយសម្ព័ន្ធមិត្តមានកាតព្វកិច្ចដើម្បីឃ្លាំមើលមាត្រា៥នៃសន្ធិសញ្ញាថវិការបស់ខ្លួន ដែលសមាជិកប្តេជ្ញាការពារគ្នាទៅវិញទៅមក៕

ប្រែសម្រួល៖ វីរបុត្រ
ប្រភព៖ BBC

Related Topics:អង្គការណាតូ (NATO)