ពេទ្យ​ធំក្រុងហូជីមិញ​ដែល​អាច​ទទួល​អ្នក​ជំងឺ​៦ពាន់​ក្នុង​មួយថ្ងៃ​បិទ​ដោយ​សារកូវីដ

មជ្ឈមណ្ឌលវេជ្ជសាស្ត្រសាកលវិទ្យាល័យក្រុងហូជីមិញ (HCMC University Medical Center) ត្រូវបានបិទនៅព្រឹកពុធនេះ បន្ទាប់ពីបុគ្គលិកពេទ្យ២នាក់បានឆ្លងកូវីដ-១៩។

គេមិនទាន់ច្បាស់ទេថាតើរយៈពេលប៉ុន្មាន បុគ្គលិកពេទ្យ អ្នកជំងឺ និងសាច់ញាតិប៉ុន្មានដែលស្ថិតនៅខាងក្នុង។

មន្ទីរពេទ្យដ៏សំខាន់នេះគ្រប់គ្រងដោយក្រសួងសុខាភិបាលវៀតណាមជាមន្ទីរពេទ្យឈានមុខគេ និងសំខាន់មួយក្នុងការព្យាបាលជំងឺកូវីដ-១៩ ហើយអាចទទួលអ្នកជំងឺរហូតដល់៦០០០នាក់ក្នុងមួយថ្ងៃ​ដែលបានក្លាយជាមន្ទីរពេទ្យដ៏ធំនៅប្រទេសវៀតណាម។

រលកថ្មីនៃកូវីដ-១៩ដែលបានចាប់ផ្តើមនៅចុងខែមេសាបានរាតត្បាតទីក្រុងហូជីមិញដែលមានការឆ្លងជាចង្កោមជាច្រើនកន្លែងត្រូវបានរកឃើញ និងមន្ទីរពេទ្យចំនួន៥ក៏កើតមានឆ្លងដែរក្នុងនោះមានទាំងមន្ទីរពេទ្យ Hospital for Tropical Disease ដែលជាកន្លែងទទួលព្យាបាលអ្នកជំងឺកូវីដនៅភាគខាងត្បូងទីក្រុងហូជីមិញ។

មន្ទីរពេទ្យនេះត្រូវបានបិទកាលពីថ្ងៃទី១២ ខែមិថុនា និងហោចណាស់បុគ្គលិក៦០នាក់ និងមាន៦នាក់ជាប់ពាក់ព័ន្ធនឹងអ្នកជំងឺកូវីដ-១៩។

គិតត្រឹមព្រឹកថ្ងៃពុធ មានករណីឆ្លងកូវីដ-១៩​សរុប​នៅ​ក្នុង​ទី​ក្រុង​ហូជីមិញ​ចំនួន​១០១៥នាក់ដែលហោចណាស់ណាស់ពាក់នឹងករណីឆ្លងជាចង្កោម១៤កន្លែងនៅក្នុងខណ្ឌចំនួន២២ និងក្រុង Thu Duc City។

រហូតដល់ពេលនេះ ប្រទេសវៀតណាមមានករណីឆ្លងកូវីដ-១៩សរុបចំនួន ១១៣០៤នាក់ និងករណីមរណភាព៦១នាក់ ហើយជាសះស្បើយ៤៥៣៩នាក់៕

ប្រែសម្រួល៖ វីរបុត្រ
ប្រភព៖ e.vnexpress