វៀតណាមចាប់ផ្តើមធ្ងន់ធ្ងរ! ប្រកាសយប់មិញ រកឃើញអ្នកឆ្លងកូវីដ ជាង៥០០ករណី

កាលពីយប់មិញនេះ អាជ្ញាធរសុខាភិបាលវៀតណាមបានបញ្ជាក់ពីការឆ្លងកូវីដក្នុងសហគមន៍ចំនួន ១៣៣ករណីទៀត ដោយធ្វើឲ្យករណីសរុបប្រចាំថ្ងៃព្រហស្បតិ៍កើនដល់ ៥០៣ ករណី។ នេះជាចំនួននៃការឆ្លងខ្ពស់បំផុតមិនធ្លាប់មានទាល់តែសោះ ចាប់តាំងពីកូវីដផ្ទុះឡើង។

ក្នុងចំណោមករណីដែលប្រកាសពេលយប់ មាន៦២ករណីត្រូវបានកត់ត្រានៅក្នុងខេត្ត Bac Giang, ៦២ករណីក្នុងទីក្រុងហូជីមិញ, ៦ករណីនៅ Bac Ninh, ២ករណីនៅ Ha Tinh និង១ករណីនៅ Lang Son។

នៅក្នុងរលកថ្មីដែលបានចាប់ផ្តើមកាលពីចុងខែមេសា ការឆ្លងក្នុងសហគមន៍ចំនួន៨,៩១៤ករណី ត្រូវបានកត់ត្រានៅក្នុងខេត្តក្រុងចំនួន ៤០។

ខេត្ត Bac Giang មានចំនួនអ្នកឆ្លងខ្ពស់បំផុត ដោយមាន៥,០០៧ករណី បន្ទាប់មក Bac Ninh មាន ១,៤៥៤ករណីនិង ហូជីមិញ មាន១,១៩៧ ករណី។

ទីក្រុង ហូជីមិញ បានរកឃើញករណីសរុបចំនួន ១៣៧ ករណីកាលពីថ្ងៃព្រហស្បតិ៍ ខ្ពស់ជាងកំណត់ត្រាចាស់៩៩ករណី កាលពីថ្ងៃពុធ៕

ប្រែសម្រួល៖ Vann Vann

ប្រភព៖ VN Express

ចុចអាន៖ ជប៉ុន ចេញ “លិខិតឆ្លងដែនវ៉ាក់សាំង” ដល់អ្នកដំណើរទៅប្រទេសផ្សេង ចាប់ពីខែក្រោយទៅ