ពេលនេះ ឥណ្ឌា រកឃើញវីរុសកូវីដ-១៩ ក្នុងទឹកទន្លេ

ដាននៃមេរោគកូវីដ-១៩ ត្រូវបានគេរកឃើញនៅក្នុងសំណាកទឹកដែលយកចេញពីទន្លេ Sabarmati, បឹង Kankria និងបឹង Chandola របស់ទីក្រុង Ahmedabad នៃរដ្ឋ Gujarat។

ក្រុមអ្នកវិទ្យាសាស្ត្រមានការភ្ញាក់ផ្អើលយ៉ាងខ្លាំង ដែលថា វីរុសនេះត្រូវបានគេរកឃើញនៅក្នុងសំណាកទាំងអស់ដែលយកចេញពីទន្លេនេះ។ ក្រៅពីទន្លេ Sabarmati, វីរុសកូវីដ ក៏ត្រូវបានគេរកឃើញនៅក្នុងសំណាកដែលយកមកពីប្រភពទឹកផ្សេងទៀត រួមមានទាំងបឹង Kankaria និង Chandola ក្នុងទីក្រុង Ahmedabad ផងដែរ។

សំណាកដែលបានមកពីទន្លេ Sabarmati បឹង Chandola និងបឹង Kankria ត្រូវបានប្រមូលដោយអ្នកស្រាវជ្រាវនៃវិទ្យាស្ថាន IIT Gandhinagar និងសាលាវិទ្យាសាស្ត្របរិស្ថានរបស់សកលវិទ្យាល័យ Jawaharlal Nehru។

សាស្រ្តាចារ្យ Manish Kumar នៃនាយកដ្ឋានវិទ្យាសាស្ត្រផែនដីក្នុងវិទ្យាស្ថាន IIT Gandhinagar បាននិយាយថា វត្តមានរបស់វីរុស SARS-CoV-2 នៅក្នុងទឹកបឹងនិងទន្លេ អាចនាំឲ្យមានស្ថានភាពគ្រោះថ្នាក់។

អ្នកស្រាវជ្រាវបាននិយាយថា វីរុសកូវីដ-១៩ អាចរស់នៅក្នុងទឹកធម្មជាតិបានយូរណាស់។

គួរបញ្ជាក់ថា មុននេះ សាកសពអ្នកស្លាប់ដោយសារកូវីដ  ត្រូវបានគេប្រទះឃើញអណ្តែតនៅក្នុងទន្លេ គង្គា ក្នុងរដ្ឋ Uttar Pradesh និងរដ្ឋ Bihar។ របាយការណ៍ក្នុងតំបន់បានអះអាងថា មានសាកសពជាង ១០០ ត្រូវបានគេបោះចោលចូលទៅក្នុងទឹកទន្លេ៕

ប្រែសម្រួល៖ Vann Vann

ប្រភព៖ India Today

ចុចអាន៖ រលក កូវីដ ទី ២មិន ចប់ ផង អ្នក ជំនាញ ជំរុញ រដ្ឋ អ្នក មាន ឥណ្ឌា ត្រៀមខ្លួនរលកទី៣