ព័ត៌មានអន្ដរជាតិ

ជំងឺកូវីដ និងបាតុកម្មគ្រប់ទីកន្លែងអូសបន្លាយរាប់ខែ ថៃបន្តដាក់ប្រទេសក្នុងគ្រាអាសន្នដល់ដើមឆ្នាំក្រោយ

បានផុស

៤ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

ដោយសារវិបត្តិនយោបាយក្នុងប្រទេសថៃ បន្តអូសបន្លាយជាច្រើនខែ បាតុកម្មកើតឡើងគ្រប់ទីកន្លែង និងដើម្បីទប់ស្កាត់ការផ្ទុះរាតត្បាតកូវីដ ១៩ អំឡុងឆ្នាំសកល ២០២១ រដ្ឋភិបាលក្រុងបាងកក នៅព្រឹកថ្ងៃពុធនេះ បានប្រកាសបន្តដាក់ប្រទេសក្នុងគ្រាអាសន្នរហូតដល់ថ្ងៃ ១៥ មករា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំជាមួយក្រុមការងារប្រយុទ្ធប្រឆាំងជំងឺកូវីដ ១៩ លោកនាយករដ្ឋមន្ត្រីថៃ ប្រាយុទ្ធ ចាន់អូចា បានយល់ព្រមពន្យារពេលដាក់ប្រទេសក្នុងគ្រាអាសន្នដើម្បីជួយអាជ្ញាធរប្រឆាំងកូវីដ អាចរៀបចំផែនការបន្តដើម្បី

រក្សាសុវត្ថិភាពពីការរាតត្បាតទូទាំងប្រទេស។ នេះបើតាមអ្នកនាំពាក្យរដ្ឋាភិបាល លោក Taweesilp Witsanuyotin លើកឡើងកាលពីថ្ងៃពុធសប្តាហ៍នេះ។

ការពន្យារពេលដាក់ប្រទេសក្នុងគ្រាអាសន្ន ត្រូវរំពឹងនឹងទទួលការអនុម័តពីគណៈរដ្ឋមន្ត្រីនាសប្តាហ៍ក្រោយ ហើយក៏ត្រូវចាត់ទុកជាលើកទី៨ ចាប់តាំងពីខែមីនាមក ដែលប្រទេសថៃ ប្រកាសដាក់ប្រទេសក្នុងគ្រាអាសន្ន៕

ប្រែសម្រួល៖ សុភា
ប្រភព៖ Bangkok Post