អបអរសាទរ! មេ UN ជាប់អណត្តិទី ២ បន្តកាន់តំណែងដល់ឆ្នាំ ២០២៦

មហាសន្និបាតអង្គការសហប្រជាជាតិ (UN) បានតែងតាំងលោក Antonio Guterres បន្តជាអគ្គលេខាធិការសម្រាប់អណត្តិទី ២ ។ អណត្តិថ្មីនេះនឹងចាប់ផ្តើមនៅខែមករា ហើយនឹងមានរយៈពេលរហូតដល់ឆ្នាំ ២០២៦ ។

បន្ទាប់ពីការសម្រេចចិត្តត្រូវបានប្រកាស លោក Guterres បានថ្លែងសុន្ទរកថាមួយដែលទទូចដល់សមាជិកសមាជិកានៃមហាសន្និបាតទាំង ១៩៣ រូប ឲ្យជម្នះនូវការបែងចែកភូមិសាស្ដ្រ និងទំនាក់ទំនងអំណាចដែលមិនដំណើរការ ។

លោកបានមានប្រសាសន៍ថា លោកនឹងប្រឹងប្រែងឲ្យអស់ពីសមត្ថភាព ដើម្បីធានានូវការជឿទុកចិត្តគ្នារវាងប្រទេសធំ និងតូច ដើម្បីកសាងស្ពាន និងចូលរួមក្នុងការកសាងទំនុកចិត្ត ។

គួររំឭកថា លោក Guterres គឺជាអតីតនាយករដ្ឋមន្ត្រីប្រទេសព័រទុយហ្គាល់ ។ ចាប់ពីឆ្នាំ ២០០៥ ដល់ឆ្នាំ ២០១៥ លោកបានដើរតួជាឧត្តមស្នងការ UN ទទួលបន្ទុកជនភៀសខ្លួន ខណៈ ២ ឆ្នាំក្រោយមក លោកបានស្នងតំណែងពីលោក Ban Ki-Moon ជាអគ្គលេខាធិការ UN តែម្ដង ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មេ UN ទទួលភ្លើងខៀវសម្រាប់អាណត្តិទី ២ រយៈពេល ៥ ទៀត