ព័ត៌មានអន្ដរជាតិ

ទោះអាមេរិកប្តូរមេដឹកនាំក៏ដោយ ចិននៅប្រកាន់គោលនយោបាយសន្តិភាព គ្មានអាវុធនុយក្លេអ៊ែរនៅឧបទ្វីបកូរ៉េ

បានផុស

៤ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

ប្រទេសចិន នៅថ្ងៃពុធនេះ បានប្រកាសជាថ្មី ពីការប្តេជ្ញារក្សាសន្តិភាព និងគោលនយោបាយគ្មានអាវុធនុយក្លេអ៊ែរនៅឧបទ្វីបកូរ៉េដដែល បើទោះជាសហរដ្ឋអាមេរិក មានការផ្លាស់ប្តូរមេដឹកនាំថ្មីរបស់ខ្លួនក៏ដោយ។ នេះបើតាមការលើកឡើងរបស់លោក Xing Haiming អគ្គរដ្ឋទូតចិន ប្រចាំទីក្រុងសេអ៊ូល កូរេខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងវេទិកាមួយធ្វើឡើងនៅឯស្ថានទូតចិន លោក Xing Haiming បញ្ជាក់ថា នៅពេលណាមួយដែលស្ថានភាពរាតត្បាតជំងឺកូវីដ ១៩ មានស្ថិរភាពឡើងវិញ ប្រធានាធិបតីចិន Xi Jinping នឹងធ្វើទស្សនកិច្ចមកកាន់កូរ៉េខាងត្បូងមុនគេបង្អស់ ទើបបន្តទៅកាន់បណ្តាប្រទេសផ្សេងទៀត។ លោកថា “គ្រប់យ៉ាងមិនមានការផ្លាស់ប្តូរអ្វីនោះឡើយ”។

ឆ្លើយតបទៅនឹងសំណួរពាក់ព័ន្ធកិច្ចសហប្រតិបត្តិការរវាងរដ្ឋាភិបាលក្រុងប៉េកាំង និងរដ្ឋាភិបាលក្រុងវ៉ាស៊ីងតោនថ្មី ដែលដឹកនាំដោយអនាគតប្រធានាធិបតីអាមេរិក លោក Joe Biden លោក Xing បញ្ជាក់ថា ចិននៅតែប្រកាន់ជំហរពាំនាំសន្តិភាព តាមរយៈកិច្ចចរចា ជំរុញការអភិវឌ្ឍន៍ និងរំសាយកម្មវិធីអាវុធនុយក្លេអ៊ែរនៅឧបទ្វីបកូរ៉េ។

លោក Xing បន្តទៀតថា ទោះជាមួយនរណាម្នាក់ ឬប្រទេសណាក៏ដោយ ចិននៅតែបន្តជំរុញឆ្ពោះទៅរកគោលដៅសន្តិភាព ដែលជាប្រទេសទាំងចិន និងតំបន់កូរ៉េ ក៏ដូចជាសម្រាប់សន្តិភាពសកលលោកទាំងមូល។

ជាមួយគ្នានេះ រដ្ឋាភិបាលចិន នៅតែអំពាវនាវឲ្យមានការដោះស្រាយវិបត្តិនុយក្លេអ៊ែរជាមួយរដ្ឋាភិបាលក្រុងព្យុងយ៉ាង តាមរយៈកិច្ចចរចា គាំទ្រដល់អ្វីដែលកូរ៉េខាងជើងចង់បាន ពីមួយជំហានទៅមួយជំហាន រហូតដល់ទណ្ឌទាំងអស់ត្រូវដកចេញទាំងស្រុង ធានាបានសុខសន្តិភាព ជាអាចផ្លូវសំខាន់ឆ្ពោះទៅរកការលុបចោលកម្មវិធីអាវុធនុយក្លេអ៊ែរនៅឧបទ្វីបកូរ៉េ។

លើសពីនេះ លោក Xing អះអាងទៀតថា រដ្ឋមន្ត្រីការបរទេសចិន លោក Wang Yi មានផែនការធ្វើទស្សនកិច្ចមកកាន់កូរ៉េខាងត្បូងនាសប្តាហ៍ក្រោយ ដើម្បីពង្រឹងចំណងមិត្តភាពប្រទេសទាំងពីរឲ្យរឹងមាំថែមទៀត៕

ប្រែសម្រួល៖ សុភា
ប្រភព៖

ប្រែសម្រួល៖ សុភា
ប្រភព៖ The Korea Times

Related Topics:ប្រទេសចិន