ព័ត៌មានអន្ដរជាតិ
ឥណ្ឌូណេស៊ីឆ្លងកូវីដប្រចាំថ្ងៃខ្ពស់កប់ ឥឡូវសរុបជាង២លាននាក់
ប្រទេសឥណ្ឌូណេស៊ីនៅថ្ងៃចន្ទ ទី២១ ខែមិថុនា មានករណីឆ្លងកូវីដ-១៩ថ្មីជាប់កំណត់ត្រារបស់ខ្លួនរហូតដល់១៤៥៣៦នាក់ ដែលធ្វើឲ្យចំនួន អ្នកឆ្លងសរុបទូទាំងប្រទេសកើនលើសពីរលាននាក់។
គិតត្រឹមថ្ងៃចន្ទម្សិលមិញ ករណីឆ្លងកូវីដ-១៩សរុបនៅឥណ្ឌូណេស៊ីមានចំនួន ២ ០០៤ ៤៤៥នាក់។ ចំណែកករណីមរណភាពថ្មីក្នុងរយៈពេល២៤ម៉ោងចុងក្រោយមាន ២៩៤នាក់ដែលសរុបមរណភាពទាំងអស់មានចំនួន ៥៤៩៥៦នាក់។ នៅទីហ្សាការតាកាលពីថ្ងៃចន្ទមានករណីឆ្លងថ្មី៥០១៥នាក់ និងស្លាប់៧៤នាក់។
ចាប់តាំងពីប្រទេសប្រជុំកោះបានប្រកាសករណីឆ្លងកូវីដ-១៩លើកដំបូងកាលពីខែមីនា ឆ្នាំ២០២០មក ករណីឆ្លងប្រចាំថ្ងៃច្រើនបំផុតគឺកាលពីខែមករាដែលមានចំនួន ១៤៥១៨នាក់ ប៉ុន្តែកំណត់ត្រាខ្ពស់បំផុតនេះត្រូវបានបំបែកដោយចំនួនអ្នកឆ្លងថ្មីកាលពីថ្ងៃចន្ទ ម្សិលមិញ។
ប្រទេសឥណ្ឌូណេស៊ីនៅក្នុងប៉ុន្មានសប្តាហ៍ចុងក្រោយនេះមានករណីឆ្លងថ្មីកើនឡើងជាប្រចាំ បន្ទាប់ពីថ្ងៃឈប់សម្រាកនៃពិធីបុណ្យ Idul Fitri កាលពីខែមុន។
ទោះជាអាជ្ញាធរបានដាក់បំរាមក្នុងការធ្វើដំណើរចាកចេញពីទីប្រជុំជនទៅស្រុកកំណើតក្នុងកំឡុងពេលពិធីបុណ្យនោះ ក៏មនុស្សជាច្រើននៅតែបំពានលើបំរាមទាំងនោះ ខណៈមនុស្សម្នាជាច្រើនត្រូវបានគេឃើញជួបជុំគ្នានៅតាមតំបន់ទេសចរណ៍។
រដ្ឋាភិបាលឥណ្ឌូណេស៊ីបានដាក់បន្ថែមគ្រែនៅមន្ទីរពេទ្យចំនួន៧២០០០ និងគ្រែសង្គ្រោះបន្ទាន់ (IUC)ចំនួន ៧៥០០ ដោយសារថ្ងៃឈប់សម្រាកលើកមុនមានករណីឆ្លងថ្មីកើនឡើងរហូតដល់៦០%។
ទោះបីជាយ៉ាងណា មន្ទីរពេទ្យ និងតំបន់ជាច្រើនបានរាយការណ៍ពីអត្រាអ្នកជំងឺចូលពេទ្យមានជាង៨០%ក្នុងរយៈពេលប៉ុន្មានថ្ងៃចុងក្រោយនេះ ហើយនៅតំបន់ខ្លះមានអ្នកជំងឺចូលដល់ទៅ៩០%។
តំបន់មួយក្នុងចំណោមតំបន់ដែលរងការវាយប្រហារខ្លាំងបំផុតគឺនៅ Kudus ខេត្ត Central Java ដែលមានបុគ្គលិកពេទ្យជាង៣៥០នាក់បានឆ្លងកូវីដ-១៩ បើទោះជាពួកគាត់បានចាក់វ៉ាក់សាំងបង្ការរួចរាល់ហើយ។
ពួកគេភាគច្រើនគ្មានបង្ហាញរោគសញ្ញាទេ ប៉ុន្តែអាជ្ញាធរមូលដ្ឋាននិយាយថា ពួកគេភាគច្រើនបានជាសះស្បើយហើយ។ ការផ្ទុះកូវីដ-១៩ត្រូវបានគេជឿថា អាក្រក់ខ្លាំងដោយសារវីរុសបំប្លែងខ្លួន Delta ដែលនាំឲ្យនៅមន្ទីរពេទ្យ Kudus មានជាង៩០%។
មន្ត្រីនិយាយថា ករណីឆ្លងថ្មីនឹងនៅតែបន្តកើនឡើងរហូតដល់ដើមខែកក្កដា ដោយសារករណីក្រោយថ្ងៃឈប់សម្រាកបានកើនឡើង៧សប្តាហ៍ ប៉ុន្តែអ្នកជំនាញព្រមានថា ប្រព័ន្ធសុខាភិបាលឥណ្ឌូណេស៊ីអាចនឹងដួលរលំ ប្រសិនបើគ្មានវិធានការដោះស្រាយបន្ទាន់ដើម្បីទប់ស្កាតការរីករាលដាលទេនោះ។ ការឆ្លងបានរាលដាលនៅខេត្ត២៩ក្នុងចំណោមខេត្ត៣៤របស់ប្រទេសឥណ្ឌូណេស៊ី៕
ប្រែសម្រួល៖ វីរបុត្រ
ប្រភព៖ CNA
គំនូរវិចិត្រករកូរ៉េឆ្នាំ១៩៧១ ដេញថ្លៃបានលុយសុទ្ធជាង ៥.៩លានដុល្លារ លើទឹកដី ហុងកុង
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២៣ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ