ព័ត៌មានអន្ដរជាតិ

មេយោធាមីយ៉ាន់ម៉ា និងរុស្ស៊ីប្តេជ្ញាពង្រឹងទាក់ទំនងពេលជួបគ្នាម្សិលមិញ

បានផុស

៣ years មុន

នៅ

ថ្ងៃអង្គារ ២២ មិថុនា ២០២១

ដោយ

រដ្ឋមន្ត្រីក្រុមប្រឹក្សាសន្តិសុខរបស់ប្រទេសរុស្ស៊ី លោក Nikolai Patrushev និងមេដឹកនាំរបបយោធាមីយ៉ាន់ម៉ាបានប្តេជ្ញាពង្រឹងចំណង់ទំនាក់ទំនង និងសន្តិសុខបន្ថែមទៀតរវាងប្រទេសទាំងពីរនៅពេលបានជួបគ្នានៅក្រុងមូស្គូ កាលពីថ្ងៃចន្ទ ទី២១ ខែមិថុនា។

ឧត្តមសេនីយ៍ជាន់ខ្ពស់ដែលជាមេដឹកនាំយោធាមីយ៉ាន់ម៉ា លោក Min Aung Hlaing បានធ្វើដំណើរទៅប្រទេសរុស្ស៊ីកាលពីថ្ងៃអាទិត្យដើម្បីចូលរួមសន្និសីទសន្តិសុខមួយក្នុងសប្តាហ៍នេះ។

អ្នកនាំពាក្យរដ្ឋាភិបាលវិមានក្រឹមឡាំង លោក Dmitry Peskov នៅព្រឹកថ្ងៃចន្ទបាននិយាយថា លោកប្រធានាធិបតីរុស្ស៊ី វ្លាឌីមៀរ ពូទីន មិនបានជួបប្រជុំជាមួយលោក Min Aung Hlaing ទេ។

លោក Nikolai Patrushev និងលោក Min Aung Hlaing ជួបគ្នាថ្ងៃទី២១ ខែមិថុនា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មជនសិទ្ធិមនុស្សបានចោទរដ្ឋាភិបាលក្រុងមូស្គូពីការធ្វើឲ្យមានភាពស្របច្បាប់នូវរដ្ឋាភិបាលយោធាមីយ៉ាន់ម៉ា ដែលកាន់កាប់អំណាចដោយសាររដ្ឋប្រហារ១កុម្ភៈដែលជំរុញឲ្យកើតមានការតវ៉ាទូទាំងប្រទេស និងមានការប្រយុទ្ធគ្នាតាមខេត្តជាមួយក្រុមឧទ្ទាមភាគតិចជាច្រើន។

រុស្ស៊ីនិយាយថា ខ្លួនមានទំនាក់ទំនងរឹងមាំយូរអង្វែងជាមួយមីយ៉ាន់ម៉ា និងនិយាយក្នុងខែមីនាថា ខ្លួនព្រួយបារម្ភពីចំនួននៃការស្លាប់ជនស៊ីវិលកំពុងកើនឡើងនៅមីយ៉ាន់ម៉ា។

ទំនាក់ទំនងការពារជាតិរវាងប្រទេសទាំងពីរបានរីកធំធាត់ក្នុងរយៈពេលប៉ុន្មានឆ្នាំចុងក្រោយនេះដែលទីក្រុងមូស្គូផ្តល់អាហារូបករណ៍កម្រិតសកលវិទ្យាល័យ និងការហ្វឹកហាត់ផ្នែកយោធាដល់ទាហានរាប់ពាន់នាក់ ព្រមទាំងលក់អាវុធថែមទៀតដែលត្រូវបានជាប់បញ្ជីខ្មៅនៅក្នុងប្រទេសលោកខាងលិចជាច្រើនដែលចោទប្រកាន់ពីការប្រឆាំងនឹងជនស៊ីវិល៕

ប្រែសម្រួល៖ វីរបុត្រ
ប្រភព៖ Reuters