ព័ត៌មានអន្ដរជាតិ

អ៊ីស្រាអែល ឲ្យចាក់វ៉ាក់សាំងកូវីដដល់ក្មេងៗអាយុពី ១២ ទៅ ១៥ ឆ្នាំ ក្រោយផ្ទុះវីរុសបំប្លែងខ្លួន

បានផុស

៤ years មុន

នៅ

ថ្ងៃអង្គារ ២២ មិថុនា ២០២១

ដោយ

ក្រសួងសុខាភិបាលអ៊ីស្រាអែលកាលពីថ្ងៃចន្ទបានប្រកាសថា ខ្លួនបានផ្តល់អនុសាសន៍យ៉ាងមុតមាំដល់ ក្មេងជំទង់ដែលមានអាយុពី ១២ ទៅ ១៥ ឆ្នាំ ត្រូវទទួលបានការចាក់វ៉ាក់សាំងប្រឆាំងនឹងជំងឺកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តនេះត្រូវបានធ្វើឡើង បន្ទាប់ពីមានការកើនឡើងនៃជំងឺកូវីដ ១៩ ក្នុងចំណោមកុមារនៅប៉ុន្មានថ្ងៃថ្មីៗនេះ ជាពិសេសនៅក្នុងសាលារៀននៅកណ្តាលនៃទីក្រុង Modi’in-Maccabim-Re’ut និងនៅទីប្រជុំជននៃទីក្រុង Binyamina បានរកឃើញវីរុសបំប្លែងខ្លួនជាច្រើនប្រភេទ ។

ក្រសួងបានកត់សម្គាល់ថា ផលប៉ះពាល់ដែលបណ្តាលមកពីវ៉ាក់សាំងលើក្មេងៗគឺកម្រ និងមិនធ្ងន់ធ្ងរនោះទេ ខណៈកាលពីថ្ងៃទី ៦ ខែមិថុនា អ៊ីស្រាអែលបានចាប់ផ្តើមចាក់វ៉ាក់សាំងលើក្មេងជំទង់ ដែលមានអាយុចន្លោះពី ១២ ទៅ ១៥ ឆ្នាំ ប៉ុន្តែរហូតមកដល់ពេលនេះ មិនទាន់មានករណី ឬការណែនាំណាមួយ ដើម្បីបន្តធ្វើដូចនេះនោះទេ ។

គួររំឭកថា យុទ្ធនាការចាក់វ៉ាក់សាំងនៅអ៊ីស្រាអែល បានចាប់ផ្តើមនៅថ្ងៃទី ២០ ខែធ្នូ ឆ្នាំ ២០២០ ដោយដំណាក់កាលដំបូងផ្តោតលើបុគ្គលិកពេទ្យ មនុស្សដែលមានអាយុលើសពី ៦៥ ឆ្នាំ និងអ្នកជំងឺរ៉ាំរ៉ៃ ។ ចាប់តាំងពីពេលនោះមក អាយុនៃសិទ្ធិទទួលបានការចាក់វ៉ាក់សាំង បានថយចុះជាលំដាប់ ។

រហូតមកដល់បច្ចុប្បន្ន អ៊ីស្រាអែលបានចាក់វ៉ាក់សាំងប្រឆាំងជំងឺកូវីដ ១៩ ជិត ៥.៥ លាននាក់ ឬ ៥៩ ភាគរយនៃប្រជាជនរបស់ខ្លួន ៕