ច្រើនបំផុតមិនធ្លាប់មាន! ថៃ ប្រកាស អ្នកស្លាប់ដោយសារកូវីដក្នុងចំនួន កំណត់ត្រា

ក្រសួងសុខាភិបាលថៃ បានរាយការណ៍នៅព្រឹកថ្ងៃពុធនេះថា ក្នុងរយៈពេល២៤ម៉ោងចុងក្រោយ ប្រទេសថៃ មានអ្នកស្លាប់ដោយសារជំងឺកូវីដ-១៩ ក្នុងកម្រិតខ្ពស់បំផុតមិនធ្លាប់មាន ៥១នាក់និងឆ្លងថ្មី ៣,១៧៤ករណី។

ក្នុងចំណោមការឆ្លងថ្មី មាន ៣,១៣៨ ករណីជាប្រជាជនទូទៅនិង ៣៦ ករណីជាអ្នកទោសជាប់ពន្ធនាគារ។

ស្របពេលជាមួយគ្នានោះដែរ អ្នកជំងឺកូវីដ ចំនួន១,៩៤១នាក់ បានជាសះស្បើយ និងត្រូវបានអនុញ្ញាតឲ្យចាកចេញពីមន្ទីរពេទ្យ។

ចាប់តាំងពីថ្ងៃទី១ខែមេសានៅពេលកូវីដរលកទី៣ផ្ទុះឡើង មានអ្នកជំងឺកូវីដចំនួន ១៩៩,៦៧៦ នាក់ ក្នុងនោះមាន ១៦២,៣៥១ នាក់បានជាសះស្បើយ។

ចាប់តាំងពីជំងឺរាតត្បាតផ្ទុះឡើងកាលពីដើមឆ្នាំមុន មានការឆ្លងសរុប ២២៨,៥៣៩ករណី ក្នុងនោះមាន ១៨៩,៧៧៧ករណី បានជាសះស្បើយ។

ចំណែកចំនួនអ្នកស្លាប់ក្នុងរលកទី៣គឺមាន ១,៦៥០នាក់ ធ្វើឲ្យការស្លាប់សរុបកើនដល់ ១,៧៤៤នាក់។

គួរបញ្ជាក់ថា កំណត់ត្រាចាស់ នៃអ្នកស្លាប់ខ្ពស់បំផុតដោយសារកូវីដនៅប្រទេសថៃ គឺចំនួន៤៧នាក់ កាលពីថ្ងៃទី២៧ខែឧសភា៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ឆ្លងច្រើនឡើងៗ ថៃ អស់គ្រែដាក់អ្នកជំងឺធ្ងន់ធ្ងរខណៈស្ថានភាព កាន់តែគួរឲ្យព្រួយបារម្ភ