ក្ដៅៗ ឆេះទីតាំងហាត់ក្បាច់គុននៅ ចិន ស្លាប់មនុស្ស ១៨ នាក់

ប្រព័ន្ធផ្សព្វផ្សាយរដ្ឋចិនបានរាយការណ៍ថា អគ្គិភ័យបានឆាបឆេះមជ្ឈមណ្ឌលហ្វឹកហាត់ក្បាច់គុនមួយកន្លែង នៅខេត្ត Henan ប្រទេសចិននៅថ្ងៃសុក្រនេះ ដោយសម្លាប់មនុស្សយ៉ាងហោចណាស់ ១៨ នាក់ ។

ដោយដកស្រង់សម្តីពីមន្ត្រីមូលដ្ឋាន សារព័ត៌មានចិន CGTN បានរាយការណ៍ថា ការឆាបឆេះមជ្ឈមណ្ឌលហ្វឹកហាត់ក្បាច់គុន ដែលមានទីតាំងនៅទីក្រុង Shangqiu ក៏បានធ្វើឲ្យមនុស្ស ១៦ នាក់រងរបួសផងដែរ ។

គេនៅមិនទាន់ច្បាស់ថាតើមូលហេតុអ្វី បណ្តាលឲ្យមានអគ្គិភ័យនេះកើតឡើងនោះនៅឡើយទេ ។ ការផ្ទុះឡើងនៃអគ្គិភ័យនៅក្នុងប្រទេសចិន មិនមែនជារឿងចម្លែកនោះទេ ដោយសារតែពិធីសារសុវត្ថិភាព  និងស្តង់ដារសាងសង់នៅមានកម្រិតទាប ទើបមានការព្រួយបារម្ភជាញឹកញាប់បែបនេះ ។

ទន្ទឹមនោះ កាលពីថ្ងៃទី ១៣ ខែមិថុនា ការផ្ទុះបំពង់ហ្គាសមួយនៅខេត្ត Hubei ភាគកណ្តាល ក៏បានសម្លាប់មនុស្ស ២៥ នាក់ និងរបួស ១៣៨ នាក់ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ The Standard

ចុចអាន ៖ លោក ស៊ី ជីនពីង និយាយអ្វីខ្លះជាមួយអវកាសយានិកក្នុងបន្ទប់ស្នូល Tianhe