ព័ត៌មានអន្ដរជាតិ

បាតុកម្មនៅថៃ ឈានដល់ការប្រើហិង្សាប្រឆាំងសមត្ថកិច្ច

បានផុស

៤ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

បាតុកម្មប្រឆាំងរដ្ឋាភិបាលថៃ កាលពីយប់ថ្ងៃពុធម្សិលមិញនេះ បានឈានដល់ការប្រើប្រាស់អំពើហិង្សា ដោយក្រុមបាតុករបានវាយកម្ទេច និងបាញ់ថ្នាំពណ៌លើទីស្នាក់ការប៉ូលិសក្នុងទីក្រុងបាងកក ខណៈនៅថ្ងៃព្រហស្បត្តិ៍នេះ មេប៉ូលិសថៃ គ្រោងនឹងប្តឹងប្រឆាំងក្រុមបាតុករដែលនៅពីក្រោយហេតុការណ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kissana Phathanacharoen អ្នកនាំពាក្យប៉ូលីសថៃ បាននិយាយថា កាលពីយប់ថ្ងៃពុធ ក្រុមអ្នកតវ៉ាប្រមូលផ្តល់គ្នាក្នុងសង្កាត់ Ratchaprason កណ្តាលទីក្រុងបាងកក និងសម្រុកមកកាន់ស្នាក់ការប៉ូលិស និងបាញ់ថ្នាំពណ៌ទៅគ្រប់ជញ្ជាំងទាំងអស់។

លោកថា ពេលនេះប៉ូលិសបានរៀបចំឯកសារ និងភស្តុតាងមួយចំនួនដើម្បីដាក់ពាក្យបណ្តឹងទៅកាន់តុលាការ។

អ្នកនាំពាក្យរូបនេះបន្តថា ក្រុមបាតុករ មិនត្រឹមបាញ់ថ្នាំពណ៌ពេញជញ្ជាំងនោះទេ ថែមទាំងប្រើចំពាមនិងគ្រាប់ថ្មបាញ់ទៅលើសមត្ថកិច្ច និងបាញ់ថ្នាំពណ៌លើផ្ទៃមុខ ភ្នែក និងមាត់សមត្ថកិច្ចទៀតផង។
លោក Kissana បញ្ជាក់បន្ថែមថា ទោះជាមានការប្រើប្រាស់អំពើហឹង្សាពីសំណាក់ក្រុមអ្នកតវ៉ាមកលើសមត្ថកិច្ចក្តី ប៉ុន្តែប៉ូលិស បានព្យាយាមមិនឲ្យមានអំពើហិង្សាធំផ្ទុះឡើង ឬប៉ះទង្គិចដោយហិង្សាណាមួយជាមួយអ្នកតវ៉ាដែរ៕

ប្រែសម្រួល៖ សុភា
ប្រភព៖ Bangkok Post

Related Topics:បាតុកម្មនៅថៃ