ព័ត៌មានអន្ដរជាតិ

ប្រាយុទ្ធ ចាន់អូចា ប្រកាសប្រើច្បាប់ប្រមាថព្រះមហាក្សត្រប្រឆាំងក្រុមបាតុករ

បានផុស

៤ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

នាយករដ្ឋមន្ត្រីថៃ លោកប្រាយុទ្ធ ចាន់អូចា បានព្រមាននឹងប្រើច្បាប់ប្រឆាំងក្រុមអ្នកតវ៉ា ដែលកំពុងទាមទារឲ្យលោកចុះចេញពីតំណែង និងទាមទារធ្វើកំណែទម្រង់ទៅលើអំណាចស្តេច Maha Vajiralongkorn នៅក្នុងរដ្ឋធម្មនុញ្ញថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយការប្រកាសនេះ ក្រុមសកម្មជនបានបង្ហាញក្តីបារម្ភថា ការអនុវត្តច្បាប់ប្រមាថព្រះមហាក្សត្រ និងការទោសធ្ងន់ធ្ងរទៅលើក្រុមបាតុករ អាចនឹងកើតឡើងសម្រាប់ប្រទេសប្រកាន់ច្បាប់គោរពព្រះមហាក្សត្រតឹងរឹងបំផុតលើលោកមួយនេះ។

ការតវ៉ាក្នុងប្រទេសថៃ គឺជាបញ្ហានយោបាយផ្ទៃក្នុងដ៏ចម្រូងចម្រាស់ និងអូសបន្លាយជាច្រើនឆ្នាំមកនេះ ខណៈក្រុមអ្នកតវ៉ាដែលរិះគន់ស្តេច Maha Vajiralongkorn អាចនឹងត្រូវជាប់ពន្ធនាគារដល់ទៅ ១៥ឆ្នាំ។

ការប្រកាសរបស់លោកប្រយុទ្ធ ចាន់អូចា ធ្វើឡើងប៉ុន្មានម៉ោងប៉ុណ្ណោះ ក្រោយក្រុមបាតុករ បានប្រើហឹង្សា និងថ្នាំពណ៌បាញ់ទៅលើជញ្ជាំងទីស្នាក់ការប៉ូលិសថៃ កណ្តាលទីក្រុងបាងកក ដែលជាការឆ្លើយតប ក្រុមសមត្ថកិច្ចព្យាយាមប្រើឡានទឹកបាញ់បំបែកហ្វូងបាតុករកាលពីព្រឹកថ្ងៃពុធម្សិលមិញ៕

ប្រែសម្រួល៖ សុភា
ប្រភព៖ Reuters

Related Topics:បាតុកម្មនៅថៃ