គ្រាន់តែឃើញ គីម ជុងអ៊ុន ស្រកគីឡូ ប្រជាជនកូរ៉េខាងជើង ស្រក់ទឹកភ្នែកបណ្តើរៗហើយ

ប្រជាជនកូរ៉េខាងជើង កំពុងមានក្តីព្រួយបារម្ភយ៉ាងខ្លាំង អំពីការស្រកទម្ងន់របស់លោក គីម ជុងអ៊ុន។

ទូរទស្សន៍រដ្ឋរបស់ទីក្រុងព្យុងយ៉ាង នាពេលថ្មីៗនេះ បានចាក់ផ្សាយបទសម្ភាសន៍ជាមួយអ្នកស្រុក ដែលបានសម្តែងនូវក្តីព្រួយបារម្ភរបស់ពួកគេចំពោះលោក គីម ដែលមើលទៅស្គមស្គាំងជាងមុន ចំពេលមានការសង្ស័យថ្មីៗនៃការស្រកទម្ងន់។

ពលរដ្ឋកូរ៉េខាងជើងម្នាក់បាននិយាយនៅក្នុងបទសម្ភាសន៍មួយ ជាមួយទូរទស្សន៍ KCT​ កាលពីថ្ងៃសុក្រថា “ប្រជាជនពិតជាក្រៀមក្រំបំផុត នៅពេលឃើញអគ្គលេខាធិការដ៏គួរឲ្យគោរពមួយរូប ស្គមជាងមុន”។ រូបគេនិយាយថា “គ្រប់គ្នា រំជួលចិត្ត រហូតដល់ស្រក់ទឹកភ្នែក”។

ក្រសួងបង្រួបបង្រួមបានបញ្ជាក់ថា ខ្លួនកំពុងឃ្លាំមើលសុខភាពរបស់លោកគីម ប៉ុន្តែមិនមានអ្វីត្រូវនិយាយអំពីសញ្ញាមិនធម្មតាណាមួយ ទាក់ទងនឹងការសម្រកទម្ងន់របស់គាត់នោះទេ។

មេដឹកនាំប្រទេសនេះ មិនបានបង្ហាញខ្លួនជាសាធារណៈ អស់រយៈពេលជិតមួយខែមកហើយ ដោយធ្វើឲ្យប្រជាជនស្មានពីនេះពីនោះ។

គេហទំព័រកូរ៉េខាងជើង NK News បានចុះផ្សាយរូបភាពធំ ៗ ដែលបង្ហាញថា លោក គីម ក្នុងវ័យ ៣៧ ឆ្នាំ បានរឹតបន្តឹងខ្សែនាឡិកាដែលគាត់ចូលចិត្តពាក់។

រូបភាពទាំងនោះបង្ហាញថា កដៃឆ្វេងរបស់គាត់គឺតូចជាង រូបភាពស្រដៀងគ្នា ដែលបានថតក្នុងខែវិច្ឆិកាឆ្នាំ ២០២០ និងខែមិនាឆ្នាំនេះ៕

ប្រែសម្រួល៖ Vann Vann

ប្រភព៖ Daily Star

ចុចអាន៖ បាត់មុខមួយរយៈ គីម ជុងអ៊ុន ស្រាប់តែស្រកទម្ងន់ខ្លាំង មានហេតុផល២យ៉ាង នៅក្រោយរឿងនេះ