ព័ត៌មានអន្ដរជាតិ
តម្រូវការអ៊ុកស៊ីសែននៅឥណ្ឌូណេស៊ីកើនឡើង៣ដង ឯតម្លៃឡើងជាងពីរដង
ប្រទេសឥណ្ឌូណេស៊ីបានកំពុងត្រូវការផ្គត់ផ្គង់អ៊ុកស៊ីសែនកើនឡើង៣ដងដើម្បីប្រើប្រាស់នៅមន្ទីរពេទ្យដែលកំពុងរងការវាយប្រហារខ្លាំងដោយវីរុសបំប្លែងខ្លួន Delta។ ជាមួយគ្នានេះ តម្លៃអ៊ុកស៊ីសែនក៏កើនឡើងជិត៣ដងដែរ។
រដ្ឋមន្ត្រីក្រសួងសុខាភិបាលឥណ្ឌូណេស៊ី លោក Budi Gunadi Sadikin បាននិយាយថា ៣ភាគ៤នៃការផលិតអ៊ុកស៊ីសែនទូទាំងប្រទេសសម្រាប់ការប្រើប្រាស់ក្នុងវិស័យឧស្សាហកម្ម ប៉ុន្តែឥឡូវនេះបង្វែរចូលមន្ទីរពេទ្យដើម្បីព្យាបាលអ្នកជំងឺកូវីដ-១៩សម្រាប់២សប្តាហ៍ខាងមុខ។
លោកមានប្រសាសន៍ថា ៖«យើងបានរៀនសូត្រពីប្រទេសឥណ្ឌាហើយ ដូច្នេះធ្វើយ៉ាងណាឲ្យប្រាកដច្បាស់ថា ការផ្គត់ផ្គង់អ៊ុនស៊ីសែនគ្រប់គ្រាន់»។
ឥណ្ឌូណេស៊ីដែលជាប្រទេសមានប្រជាជនច្រើនបំផុតលំដាប់ទី៤ក្នុងពិភពលោកគឺ២៧៥លាននាក់បានកំពុងប្រឈមនឹងការផ្ទុះកូវីដ-១៩ធ្ងន់ធ្ងរបំផុតចាប់តាំងការផ្ទុះចាប់ផ្តើមឡើង។
មន្ទីរពេទ្យនៅទីក្រុងហ្សាការ និងទូទាំងកោះ Java មិនអាចដោះស្រាយតាមតម្រូវការបានទេដែលជំរុញឲ្យសហព័ន្ធកាកបាទក្រហម និងអឌ្ឍចន្ទក្រហមអន្តរជាតិ (IFRC)បានព្រមាននៅសប្តាហ៍នេះថា វិបត្តិកូវីដនៅឥណ្ឌូណេស៊ីជិតឈានដល់មាត់ជ្រោះមហន្តរាយមួយ។
គម្រោងទិន្នន័យពលរដ្ឋ LaporCovid-19 បានរាយការណ៍ថា មិនអាចរកគ្រែសម្រាប់អ្នកជំងឺបានទេ និងនិយាយថា វេបសាយរដ្ឋាភិបាលដែលត្រូវបានរៀបចំឡើងដើម្បីបង្ហាញពីទីតាំងមន្ទីរពេទ្យក៏បានហួសកាលបរិច្ឆេទទៀត។
នៅក្នុងសញ្ញានៃវិបត្តិ បំពងអ៊ុកស៊ីសែនបានក្លាយជាវត្ថុដែលគេកំពុងស្វែងរកបំផុត បន្ទាប់ពីទីក្រុងធំៗនៅកោះ Java ដោយសារក្រុមគ្រួសារ និងមិត្តភក្តិបានព្យាយាមសង្គ្រោះអាយុជីវិតមនុស្សជាទីស្រឡាញ់ដែលមិនអាចស្វែងការព្យាបាលបានល្អប្រសើរ។
អ្នកផ្គត់ផ្គង់បាននិយាយថា តម្លៃអ៊ុកស៊ីសែនមួយបំពងនៅទីក្រុងហ្សាការតាបានកើនឡើងជិត៣ដងគឺឡើងពីតម្លៃធម្មតា៥០ដុល្លារដល់ទៅ១៤០ដុល្លារអាមេរិក។
លោក Budi បាននិយាយថា បុគ្គលិកពេទ្យត្រូវបានដាក់បន្ថែមទៅកាន់មន្ទីរពេទ្យ១៣៧កន្លែងដើម្បីត្រៀមធនធានឲ្យបានល្អ ហើយបរិក្ខាពេទ្យក៏ត្រូវបានបង្កើនដែរ។
មន្ទីរពេទ្យរដ្ឋ៣កន្លែង និងមន្ទប់សង្គ្រោះបន្ទាន់ជាច្រើនទៀតក៏ត្រូវបានកែប្រែជាមន្ទីរពេទ្យព្យាបាលអ្នកជំងឺកូវីដ-១៩ទាំងស្រុង។
លោកប្រាប់ថា ៖«អ្វីដែលយើងឃើញក្នុងពេល៣សប្តាហ៍កន្លងទៅនេះ គឺជាល្បឿននៃការឆ្លងកើនឡើងយ៉ាងខ្លាំង ហើយល្បឿននៃអ្នកជំងឺក៏កាន់តែធ្ងន់ធ្ងរលឿនដែរ»។
ឥណ្ឌូណេស៊ីដែលបានធ្វើតេស្តមនុស្ស៤៧.៩៨នាក់ក្នុងចំណោមមនុស្ស១០០០នាក់បានក្លាយជាប្រទេសមានអត្រាធ្វើតេស្តទាបជាងគេមួយក្នុងពិភពលោក។ សម្រាប់អត្រាធ្វើតេស្តវិជ្ជមានគឺរកឃើញជាង២០%។
លោក Budi បានបញ្ជាក់ថា ការធ្វើតេស្តគ្រោងនឹងបង្កើនឲ្យបានហោចណាស់៤០ម៉ឺននាក់ក្នុងមួយថ្ងៃ គិតចាប់ពីខែសីហា ជាពិសេសផ្តោតលើតំបន់ដែលរាលដាលឆ្លងខ្លាំង៕
ប្រែសម្រួល៖ វីរបុត្រ
ប្រភព៖ theguardian
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៩ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត