Update៖ ធ្លាក់យន្តហោះនៅហ្វីលីពីន អ្នកស្លាប់កើនដល់៥០នាក់ របួស៤៩នាក់

ប្រទេសហ្វីលីពីន បានផ្តល់ព័ត៌មាន Update ថា ចំនួនអ្នកស្លាប់ក្នុងហេតុការណ៍ធ្លាក់យន្តហោះ បានកើនឡើងដល់៥០នាក់ហើយ ខណៈបុគ្គលិកយោធាចំនួន៤៩នាក់ រងរបួស។

យន្តហោះដឹកជញ្ជូនធុន Lockheed C-130 កំពុងដឹកមនុស្សចំនួន ៩៦ នាក់ដែលភាគច្រើនជាកងទ័ព នៅពេលវាចុះខុសផ្លូវនៅអាកាសយានដ្ឋាន Jolo ក្នុងខេត្ត Sulu។

ទាហានទាំងនោះ ស្ថិតក្នុងចំណោមកម្លាំងជំនួយ ដែលត្រូវបានបញ្ជូនទៅប្រយុទ្ធប្រឆាំងក្រុមសកម្មប្រយុទ្ធឥស្លាមនានាដូចជា ក្រុម Abu Sayyaf ជាដើម។

ក្រសួងការពារជាតិបាននិយាយថា អ្នកស្លាប់ភាគច្រើនជាបុគ្គលិកយោធាប៉ុន្តែជនស៊ីវិល ៣ នាក់នៅលើដីក៏បានស្លាប់ផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ ស្លាប់កើនដល់ ៤៥នាក់ ក្នុងហេតុការណ៍ ធ្លាក់យន្តហោះយោធានៅ ហ្វីលីពីន