ជាក្ដីសង្ឃឹមសម្រាប់ ឥណ្ឌា ពេលនេះទទួលបានអាជ្ញាប័ណ្ណផលិតវ៉ាក់សាំងការពារកូវីដ Sputnik V របស់រុស្ស៊ី

ក្រុមហ៊ុន Panacea Biotec របស់ប្រទេសឥណ្ឌា បានទទួលអាជ្ញាប័ណ្ណផលិតវ៉ាក់សាំងការពារជំងឺកូវីដ ១៩ របស់រុស្ស៊ី Sputnik V ។

អាជ្ញាប័ណ្ណនេះ ត្រូវបានផ្តល់ដោយនិយតករឱសថរបស់ប្រទេសឥណ្ឌា ដោយយោងតាមកិច្ចសហការរបស់ក្រុមហ៊ុន Panacea Biotec ជាមួយមូលនិធិវិនិយោគផ្ទាល់របស់រុស្ស៊ី (RDIF) ។

ក្រុមហ៊ុនបាននិយាយថា កាលពីដើមខែឧសភា កញ្ចប់នៃវ៉ាក់សាំងទាំងនេះ ត្រូវបានផលិតនៅឯរោងចក្រ Panacea Biotec ក្នុងប្រទេសឥណ្ឌា ហើយត្រូវបានដឹកជញ្ជូនទៅកាន់មជ្ឈមណ្ឌល Gamaleya ក្នុងប្រទេសរុស្ស៊ី ដើម្បីត្រួតពិនិត្យគុណភាព ហើយពួកគេបានលុបចោលនូវចំនួនគុណភាពទាំងអស់ ទាំងនៅក្នុងប្រទេសរុស្ស៊ីក៏ដូចជានៅក្នុងប្រទេសឥណ្ឌា ។

កាលពីខែមេសា វ៉ាក់សាំង Sputnik V ត្រូវបានចុះបញ្ជីនៅក្នុងប្រទេសឥណ្ឌា ក្រោមនីតិវិធីអនុញ្ញាតប្រើប្រាស់បន្ទាន់ ហើយការចាក់វ៉ាក់សាំងនៅក្នុងប្រទេសឥណ្ឌា ដែលនាំចូលពីប្រទេសរុស្ស៊ី បានចាប់ផ្តើមនៅក្នុងខែឧសភា ដោយក្រុមហ៊ុនឥណ្ឌាមួយផ្សេងទៀតគឺ Laboratories របស់វេជ្ជបណ្ឌិត Reddy ដែលមានការយល់ព្រមពីមូលនិធិ RDIF របស់ប្រទេសរុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ បារ៉ែន ត្រៀមបង្កើតមជ្ឈមណ្ឌលផលិត ចែកចាយវ៉ាក់សាំងរុស្ស៊ី Sputnik V នៅមជ្ឈិមបូព៌ា និងអាហ្វ្រិកខាងជើង