ព័ត៌មានអន្ដរជាតិ

មន្ត្រីជាន់ខ្ពស់មន្ទីរបញ្ចកោណម្នាក់ទៀតធ្វើតេស្តវិជ្ជមានកូវីដ ១៩

បានផុស

៤ years មុន

នៅ

ថ្ងៃសុក្រ ២០ វិច្ឆិកា ២០២០

ដោយ

មន្ទីរបញ្ចកោណបាននិយាយនៅក្នុងសេចក្តីប្រកាសព័ត៌មានមួយកាលពីល្ងាចថ្ងៃព្រហស្បតិ៍ថា អនុរដ្ឋលេខាធិការក្រសួងការពារជាតិសម្រាប់គោលនយោបាយលោក Anthony Tata បានធ្វើតេស្តវិជ្ជមានចំពោះជំងឺកូវីដ ១៩ ។

លោក Anthony Tata គឺជាមន្រ្តីជាន់ខ្ពស់ម្នាក់ក្នុងចំណោមមន្រ្តីការពារជាតិជាន់ខ្ពស់អាមេរិកជាច្រើននាក់ដែលបានជួបប្រជុំគ្នាកាលពីថ្ងៃទី ១៣ ខែវិច្ឆិកាជាមួយរដ្ឋមន្រ្តីក្រសួងការពារជាតិលីទុយអានី Raimundas Karoblis ដែលបានឆ្លងវីរុសនេះ ។

ក្នុងដំណើរទស្សនកិច្ចរបស់គាត់ លោក Karoblis ក៏បានជួបជាមួយរដ្ឋមន្ត្រីស្ដីទីនៃក្រសួងការពារជាតិអាមេរិកលោក Chris Miller និងលេខាធិការនៃកងទ័ពជើងគោក ជើងទឹក និងកងទ័ពអាកាសផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរបញ្ចកោណបាននិយាយនៅក្នុងសេចក្តីថ្លែងការណ៍មួយថា “យើងបាននិងកំពុងបន្តធ្វើការតាមដានបន្ថែមទៀតនៃបុគ្គលិកក្រសួងការពារជាតិដែលមានទំនាក់ទំនងជិតស្និទ្ធជាមួយគណៈប្រតិភូលីទុយអានី ឬលោក Tata ។

វាក៏មានការផ្ទុះឡើងនៅមន្ទីរបញ្ចកោណកាលពីខែមុនផងដែរ នៅពេលដែលមេបញ្ជាការរងនៃឆ្មាំសមុទ្រសហរដ្ឋអាមេរិកលោក Charles Ray បានឆ្លងជំងឺកូវីដ ១៩ ខណៈដែលក្រោយមកជំនួយការមេបញ្ជាការកងកងទ័ពជើងទឹកក៏បានធ្វើតេស្តវិជ្ជមានចំពោះវីរុសនេះផងដែរ ។

យោងតាមសាកលវិទ្យាល័យ Johns Hopkins បានឲ្យដឹងថា រហូតមកដល់ពេលនេះសហរដ្ឋអាមេរិកបានកត់ត្រាករណីឆ្លងជំងឺកូវីដ ១៩ ចំនួន ១១,៧១៣,២៤២ ករណី និងមានអ្នកស្លាប់ ២៥២,៥១៤ នាក់ ៕