ព័ត៌មានអន្ដរជាតិ
លោក បៃដិន បញ្ជាក់ថា ហានិភ័យវីរុស Delta គឺអ្នកមិនទាន់ចាក់វ៉ាក់សាំង
កាលពីថ្ងៃអង្គារ៍ លោកប្រធានាធិបតីសហរដ្ឋអាមេរិក ចូ បៃដិន បានជំរុញពលរដ្ឋអាមេរិកដែលមិនទាន់ចាក់វ៉ាក់សាំងបង្ការកូវីដ-១៩ប្រញាប់ទៅចាក់ដើម្បីការពារខ្លួនពីការឆ្លង ជាពិសេសវីរុសបំប្លែងខ្លួន Delta ដែលឆ្លងអាក្រក់ខ្លាំង។
លោក បៃដិន ប្រាប់អ្នកសារព័ត៌មានថា សហរដ្ឋអាមេរិកនឹងឈានដល់ការចាក់វ៉ាក់សាំងពេញលេញដល់ពលរដ្ឋ១៦០លាននាក់នៅបំណាច់សប្តាហ៍នេះ ប៉ុន្តែលោកបានព្រមានពីការឆ្លងរាលដាលវីរុសបំប្លែងខ្លួន Delta ចំពោះអ្នកដែលមិនទាន់ចាក់វ៉ាក់សាំង។
លោកប្រធានាធិបតីមានប្រសាសន៍ថា ៖«ពលរដ្ឋអាមេរិករាប់លាននាក់នៅមិនទាន់ចាក់វ៉ាក់សាំងការពារខ្លួនឡើយ។ កត្តានេះហើយដែលសហគមន៍របស់ពួកគេនៅតែមានហានិភ័យ មិត្តភក្តិរបស់ពួកគេមានហានិភ័យ មនុស្សដែលពួកគេមើលថែមានហានិភ័យ។ រឿងនេះនៅតែជាកង្វល់ធំដោយសារវីរុស Delta»។
លោក បៃដិន បានលើកឡើងថា វីរុសនេះបានឆ្លងពាក់កណ្តាលនៃអ្នកឆ្លងកូវីដ-១៩ទាំងអស់នៅអាមេរិក។
មន្ត្រីសុខាភិបាលឲ្យដឹងថា វីរុស Delta ដែលវាយប្រហារខ្លាំងតាមបណ្តាប្រទេសជាច្រើនក្នុងពិភពលោកឆ្លងលឿន និងស្រួលជាងវីរុសផ្សេងៗ ហើយប្រហែលជាធ្វើឲ្យអ្នកឆ្លងធ្លាក់ខ្លួនឈឺធ្ងន់ធ្ងរថែមទៀត ជាពិសេសក្នុងចំណោមមនុស្សវ័យក្មេង។ ឥឡូវនេះសហរដ្ឋអាមេរិករកឃើញវីរុសនេះគ្រប់រដ្ឋទាំងអស់។
លោក ចូ បៃដិន បានកត់សំគាល់ថា ការសិក្សាបានបង្ហាញថា ចាប់តាំងពីដើមខែឧសភាមករាល់អ្នកឆ្លងកូវីដ-១៩ដែលចូលព្យាបាលនៅមន្ទីរពេទ្យ ឬក៏ស្លាប់នៅសហរដ្ឋអាមេរិកគឺក្នុងចំណោមអ្នកដែលមិនទាន់ចាក់វ៉ាក់សាំង។
លោកមានប្រសាសន៍ថា ៖«សូមទៅចាក់វ៉ាក់សាំងឥឡូវនេះ។ វាដំណើរការ វាឥតគិតថ្លៃ។ វាមិនងាយស្រួលទេ ហើយក៏វាមិនមានអ្វីដែលសំខាន់ជាងនេះដែរ»។
លោក បៃដិន បន្តថា រដ្ឋបាលរបស់លោកនឹងបូជាពេលវេលាដែលមានក្នុងរដូវក្តៅដោយផ្តោតទៅលើការចាក់វ៉ាក់សាំងដល់ប្រជាជន។ រាប់ទាំងដើរចាក់ដល់តាមផ្ទះតែម្តងដើម្បីជួយឲ្យកាន់តែច្រើនដល់អ្នកដែលមិនទាន់ចាក់៕
ប្រែសម្រួល៖ វីរបុត្រ
ប្រភព៖ Reuters
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ២០ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ១២ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក