ព័ត៌មានអន្ដរជាតិ

ឥឡូវកូវីដ-១៩វាយលុកចូលពន្ធនាគារក្នុងទីក្រុងហូជីមិញឆ្លងជាច្រើន

បានផុស

៤ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

បុគ្គលិក និងទណ្ឌិត៨១នាក់នៅពន្ធនាគារ Chi Hoa Prison ខណ្ឌទី១០ ក្នុងទីក្រុងហូជីមិញ ប្រទេសវៀតណាមបានតេស្តរកឃើញវិជ្ជមានកូវីដ-១៩ចាប់តាំងពីថ្ងៃទី២៧ ខែមិថុនាមក។

ករណីឆ្លងដំបូងបានរកឃើញលើសន្តិសុខម្នាក់ដែលបានទៅមន្ទីរពេទ្យ Binh Thanh ដើម្បីពិនិត្យសុខភាពទូទៅ និងបានតេស្តកូវីដ-១៩ក៏រកឃើញវិជ្ជមាន។

បន្ទាប់ពីលទ្ធផលវិជ្ជមានរបស់សន្តិសុខម្នាក់នោះ នាយកដ្ឋានប៉ូលិសទីក្រុងហូជីមិញបានបញ្ជាឲ្យធ្វើតេស្តទ្រង់ទ្រាយធំក្នុងចំណោមលើបុគ្គលិកពន្ធនាគារទាំងអស់ និងក្រោយមកធ្វើតេស្តទណ្ឌិតជាច្រើននាក់ទៀតង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមមន្ទីរសុខាភិបាលក្រុងបានឲ្យដឹងថា ត្រឹមថ្ងៃទី៥ ខែកក្កដា បុគ្គលិក៤៤នាក់ និងអ្នកទោស៣៦នាក់បានរកឃើញវិជ្ជមានកូវីដ-១៩។

កាលពីថ្ងៃទី៣ ខែកក្កដា អ្នកទោសអាយុ២៦ឆ្នាំម្នាក់ដែលជាប់ទោសពាក់ព័ន្ធនឹងគ្រឿងញៀនបានយកទៅព្យាបាលនៅមន្ទីរពេទ្យ April 30 Hospital ដែលគ្រប់គ្រងដោយក្រសួងសន្តិសុខសាធារណៈ។ ក្រោយមក អ្នកទោសនោះក៏បានស្លាប់ និងធ្វើតេស្តរកឃើញកូវីដ-១៩។

កាលពីយប់ថ្ងៃអង្គារ៍ វាទំនងជាកើតមានកុប្បកម្មមួយនៅក្នុងពន្ធនាគារកំឡុងពេលការពិនិត្យសុខភាពមួយដែលសម្រែកខ្លាំង។

ទៅក្រុងហូជីមិញបានក្លាយជាកន្លែងដែលឆ្លងរាលដាលកូវីដ-១៩ធ្ងន់ធ្ងរជាងកន្លែងណាៗទាំងអស់នៅប្រទេសវៀតណាមគឺឆ្លងជាង៧៦០០នាក់នៅក្នុងរលកទី៤ដែលបានផ្ទុះឡើងកាលពីខែមេសា៕

ប្រែសម្រួល៖ វីរបុត្រ
ប្រភព៖ e.vnexpress