ព័ត៌មានអន្ដរជាតិ
នារីក្លាហានអាហ្វហ្គានីស្ថានកាន់អាវុធចេញមុខប្រឆាំងនឹងតាលីបង់
ស្ត្រីប្រដាប់ដោយអាវុធរាប់រយនាក់នៅភាគខាងជើង និងកណ្តាលប្រទេសអាហ្វហ្គានីស្ថានបានដើរក្បួនតាមផ្លូវជាច្រើន និងបានចែករំលែករូបភាពរបស់ពួកគេនៅលើបណ្តាញទំនាក់ទំនងសង្គមដើម្បីជាការបង្ហាញពីការតស៊ូប្រឆាំងនឹងក្រុមតាលីបង់ដែលកំពុងកើនឡើងពីការកាន់កាប់តំបន់ជាច្រើន។
ការបង្ហាញក្បួនមួយក្នុងចំណោមការបង្ហាញក្បួនជាច្រើនគឺនៅភាគកណ្តាលខេត្ត Ghor ដែលមានស្ត្រីរាប់រយនាក់កាលពីចុងសប្តាហ៍កន្លងទៅនេះដោយអ្នកខ្លះលើកអាវុធគ្រវី និងមានស្រែកច្រៀងជាពាក្យស្លោកប្រឆាំងនឹងតាលីបង់។
ពួកគេទំនងជាមិនចេញទៅកាន់សមរភូមិជូរមុខទេ ពីព្រោះពួកគេជាអ្នកអភិរក្ស គាំទ្រ និងខ្វះបទពិសោធ។ ប៉ុន្តែការបង្ហាញជាសាធារណៈបែបនេះ ដែលចំពេលមានការគំរាមកំហែងជាអាសន្នពីក្រុមសកម្មប្រយុទ្ធ គឺជាការរំលឹកដល់ស្ត្រីជាច្រើនដែលភ័យខ្លាចអំពីការគ្រប់គ្រងរបស់តាលីទៅលើពួកគេ និងក្រុមគ្រួសារ។
ស្ត្រីឈ្មោះ Halima Parastish ប្រធានក្រុមប្រឹក្សាស្ត្រីនៅខេត្ត Ghor និងជាអ្នកចូលរួមដើរក្បួនម្នាក់បាននិយាយថា ៖«មានស្ត្រីខ្លះគ្រាន់តែចង់ជំរុញទឹកចិត្តដល់កម្លាំងសន្តិសុខ គ្រាន់តែជានិម្មិតរូប ប៉ុន្តែមានស្ត្រីជាច្រើនបានត្រៀមខ្លួនហើយដើម្បីទៅកាន់សមរភូមិ»។
អ្នកស្រីបន្តថា ៖«ក្នុងនោះមានខ្ញុំម្នាក់ដែរ។ ខ្ញុំនិងស្ត្រីជាច្រើនទៀតបានប្រាប់លោកអភិបាលខេត្តកាលពីមួយខែមុនថា យើងត្រៀមខ្លួនទៅប្រយុទ្ធរួចហើយ»។
ពួកតាលីបង់បានកំពុងក្តោបក្តាប់ និងកាន់កាប់ស្ទើរទូទាំងតំបន់ជនបទអាហ្វហ្គានីស្ថាន ក្នុងនោះបានដណ្តើមកាន់កាប់ស្រុកជាច្រើនដូចជាភាគខាងជើងខេត្ត Badakhshan ដែលកាលពី២០ឆ្នាំមុនជាសមរភូមិជួរមុខដ៏រឹងមាំប្រឆាំងនឹងតាលីបង់។
សកម្មជន និងអ្នកស្រុកនៅតំបន់ទាំងនោះបាននិយាយថា នៅតំបន់គ្រប់គ្រងជាច្រើន តាលីបង់បានរឹតត្បិតលើស្ត្រីភេទក្នុងការសិក្សា ចលនាប្រជាធិបតេយ្យ និងការស្លៀកពាក់ជាដើម។
នៅខេត្ត Baghlan ស្ត្រីម្នាក់ឈ្មោះ Bibi Aisha Habibi បានក្លាយជាមេទ័ពស្ត្រីតែម្នាក់គត់របស់ប្រទេសដែលប្រឆាំងនឹងការឈ្លានពានរបស់ស៊ូវៀត និងសង្គ្រាមស៊ីវិល។ នាងត្រូវបានគេស្គាល់ថាជាមេបញ្ជាការ Kaftar ឬ Pigeon។
នៅភាគខាងជើងខេត្ត Balkh ស្ត្រីឈ្មោះ Salima Mazari អាយុ៣៩ឆ្នាំថ្មីៗនេះបានចេញទៅប្រយុទ្ធនៅសមរភូមិជួរមុខនៅស្រុក Charkint ដែលនាងមានតួនាទីជាអភិបាលស្រុក។
ក្នុងរយៈពេលពីរទសវត្សរ៍កន្លងទៅនេះ ស្ត្រីភេទបានចូលរួមជាមួយកងកម្លាំងសន្តិសុខអាហ្វហ្គានីស្ថានមានទាំងចូលរួមលំហាត់ជាអ្នកបើកឧទ្ធម្ភាគចក្រ បើទោះជាពួកគាត់ប្រឈមនឹងការរើសអើង និងបៀតបៀនពីក្រុមការងារក៏ដោយ៕
ប្រែសម្រួល៖ វីរបុត្រ
ប្រភព៖ theguardian
ឪពុកក្មេក ម្ដាយក្មេកសម្ដេចធិបតី ទស្សនាកម្សាន្តសិល្បៈនៅផ្លូវថ្មេីរជេីង(Walk Street)
[អត្ថបទវិភាគ] ការបោះឆ្នោតរបស់មីយ៉ាន់ម៉ា គឺជាច្រកចេញរបបសឹកយោធាដើម្បីត្រួសត្រាយផ្លូវបង្កើតរដ្ឋាភិបាលចម្រុះ និងការទទួលស្គាល់
សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប
កម្ពុជា-ថៃ នឹងពង្រឹងបន្ថែមលើកិច្ចសហប្រតិបត្តិការក្នុងវិស័យការងារ និងបណ្ដុះបណ្ដាលវិជ្ជាជីវៈ
មន្ទីរបរិស្ថានខេត្តមណ្ឌលគិរី បើកយុទ្ធនាការ «ផ្លូវជាតិស្អាតគ្មានសំរាម និងសំណល់ប្លាស្ទិក» នៅស្រុកអូររាំង
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
-
សន្តិសុខសង្គម៧ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៦ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម១ សប្តាហ៍ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៥ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៤ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល