ព័ត៌មានអន្ដរជាតិ
ជោគជ័យជាមួយវ៉ាក់សាំង! អង់គ្លេស នឹងលែងតម្រូវឲ្យពាក់ម៉ាស់ និងអនុវត្តវិធានការគម្លាតសង្គម
លោកនាយករដ្ឋមន្រ្តី Boris Johnson បានបញ្ជាក់ថា ក្នុងផែនការរាំងខ្ទប់កូវីដដំណាក់កាលចុងក្រោយរបស់ប្រទេសអង់គ្លេស ការពាក់ម៉ាស់ នឹងលែង តម្រូវដោយច្បាប់ទៀតហើយ ហើយវិធានការគម្លាតសង្គម នឹងត្រូវបានលុបចោល។

បម្រាមជួបជុំមនុស្ស៦នាក់នៅខាងក្នុងផ្ទះឯកជន នឹងត្រូវដកចេញ ហើយសេចក្តីណែនាំធ្វើការពីផ្ទះ ត្រូវបានលុបចោល ខណៈការរឹតបន្តឹងលើជីវិតប្រចាំថ្ងៃរយៈពេល ១៦ ខែ បានឈានដល់ទីបញ្ចប់។
លោកនាយករដ្ឋមន្រ្តីបាននិយាយថា លោករំពឹងថា វិធានការចុងក្រោយ នឹងដំណើរការដូចការគ្រោងទុកនៅថ្ងៃទី ១៩ ខែកក្កដា។

លោក Johnson បានប្រាប់សន្និសីទកាសែតនៅវិមាន Downing Street ថា វិធានការនេះនឹងត្រូវបានបញ្ជាក់នៅថ្ងៃទី ១២ ខែកក្កដា បន្ទាប់ពីការពិនិត្យឡើងវិញនូវទិន្នន័យចុងក្រោយ។ ការធ្វើបច្ចុប្បន្នភាពលើការចូលរៀន ការធ្វើដំណើរនិងការធ្វើចត្តាឡីស័ក នឹងធ្វើឡើងនៅថ្ងៃជាបន្តបន្ទាប់។
យ៉ាងណាក្តី លោកបាននិយាយថា ទោះបីជាមានការដកចេញនូវលក្ខន្តិកៈច្បាប់ក្នុងការពាក់ម៉ាស់ក៏ដោយ ក៏លោកនៅតែបន្តពាក់ម៉ាស់ក្នុងកន្លែងដែលមានមនុស្សច្រើនកកកុញ។

លោក Johnson បន្តថា សមត្ថភាពក្នុងការបញ្ចប់ការរឹតត្បិតតាមច្បាប់ភាគច្រើននៅក្នុងប្រទេសអង់គ្លេស គឺដោយសារតែភាពជោគជ័យនៃការចាក់វ៉ាក់សាំង។
ប៉ុន្តែលោកបានព្រមានថា ករណីឆ្លងត្រូវបានគេព្យាករណ៍ថា នឹងកើនឡើងដល់ ៥ ម៉ឺននាក់ក្នុងមួយថ្ងៃនៅត្រឹមចុងខែនេះ ដោយសារតែវីរុសបំប្លែងខ្លួន Delta៕
ប្រែសម្រួល៖ Vann Vann
ប្រភព៖ BBC
ចុចអាន៖ អង់គ្លេស នឹងបរិច្ចាគវ៉ាក់សាំងកូវីដ បង្គ្រប់ឲ្យបាន ១០០ លានដូស ដល់ប្រទេសដទៃ នៅឆ្នាំក្រោយ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ