ឆេះរោងចក្រនៅ បង់ក្លាដែស ស្លាប់មនុស្ស ៤៣នាក់

អគ្គិភ័យនៅក្នុងរោងចក្រអាហាររបស់ប្រទេសបង់ក្លាដែស បានសម្លាប់មនុស្សយ៉ាងតិច ៤៣ នាក់ ខណៈសេវាកម្មសង្គ្រោះបន្ទាន់បានទាញយកសាកសពចេញក្រៅ ថ្វីបើអគារកំពុងបន្តឆាបឆេះក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គិភ័យ បានឆាបឆេះរោងចក្រនៅទីក្រុងឧស្សាហកម្ម Rupganj ដែលមានចម្ងាយ ២៥ គីឡូម៉ែត្រ ភាគខាងកើតទីក្រុងដាកា កាលពីរសៀលថ្ងៃព្រហស្បតិ៍ ហើយនៅតែបន្តឆេះក្នុងរយៈពេលជិត ២៤ ម៉ោងក្រោយមក។

ទោះបីជាយ៉ាងណាក៏ដោយ គេមិនទាន់ច្បាស់ថាតើមានមនុស្សប៉ុន្មាននាក់ បានជាប់នៅខាងក្នុងនោះទេ ថ្វីបើសាច់ញាតិនៅខាងក្រៅនិងកម្មកររោងចក្រដទៃទៀតបាននិយាយថា អ្នកនៅខាងក្នុងនោះមានចំនួនច្រើន ហើយប្រហែលគ្មាននរណាម្នាក់ រត់រួចឡើយ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អគ្គីភ័យ ឆេះ រោង ចក្រ គីមី នៅ ថៃសម្លាប់ មនុស្ស ម្នាក់ របួស ៦០នាក់