កូរ៉េខាងជើង បដិសេដមិនទទួលយកវ៉ាក់សាំង AstraZeneca ពី COVAX

ប្រទេសកូរ៉េខាងជើងបានបដិសេដមិនទទួលយកវ៉ាក់សាំង AstraZeneca ដែលត្រូវបានរៀបចំឡើងក្រោមគម្រោងចែកចាយជាសកល COVAX ដោយសារតែការព្រួយបារម្ភលើផលប៉ះពាល់ ។

គម្រោង COVAX បាននិយាយថា ខ្លួននឹងផ្តល់វ៉ាក់សាំង AstraZeneca ជិត ២ លានដូល្លាទៅកូរ៉េខាងជើង ខណៈរដ្ឋមួយនេះ មិនបានរាយការណ៍អំពីករណីឆ្លងជំងឺកូវីដ ១៩ សូម្បីមួយករណី ក្រោយបានដាក់ចេញនូវវិធានការ ប្រឆាំងនឹងវីរុសយ៉ាងតឹងរ៉ឹង រួមមានការបិទព្រំដែន និងការទប់ស្កាត់ការធ្វើដំណើរក្នុងប្រទេសជាដើម ។

យោងតាមរបាយការណ៍របស់វិទ្យាស្ថានយុទ្ធសាស្ត្រសន្តិសុខជាតិ (INSS) ដែលមានទំនាក់ទំនងជាមួយទីភ្នាក់ងារចារកម្មរបស់ប្រទេសកូរ៉េខាងត្បូង បានឲ្យដឹងថា ឥឡូវនេះក្រុងព្យុងយ៉ាងកំពុងស្វែងរកជម្រើសវ៉ាក់សាំងផ្សេងទៀត ។

របាយការណ៍របស់ INSS ក៏បាននិយាយផងដែរថា ប្រទេសកូរ៉េខាងជើង ក៏មិនចាប់អារម្មណ៍នឹងវ៉ាក់សាំងចិនផងដែរ ដោយសារតែការព្រួយបារម្ភថា វ៉ាក់សាំងប្រហែលជាមិនមានប្រសិទ្ធិភាពនោះទេ  ប៉ុន្តែរដ្ឋនេះបានបង្ហាញចំណាប់អារម្មណ៍ ចំពោះវ៉ាក់សាំងនៅក្នុងប្រទេសរុស្ស៊ី ដោយសង្ឃឹមថា ពួកគេនឹងត្រូវបានបរិច្ចាគដោយឥតគិតថ្លៃ ។

លោក Lee Sang-keun នាយកស្រាវជ្រាវយុទ្ធសាស្ត្រនៅឧបទ្វីបកូរ៉េប្រចាំ INSS បានប្រាប់ Reuters ថា “កូរ៉េចខាងជើង កំពុងពឹងផ្អែកលើវ៉ាក់សាំងរុស្ស៊ី ប៉ុន្តែមិនទាន់មានការរៀបចំណាមួយនោះទេ” ។

លោក Lee បានបន្ថែមទៀតថា អាជ្ញាធរកូរ៉េខាងជើងមានការព្រួយបារម្ភអំពីវ៉ាក់សាំង AstraZeneca បន្ទាប់ពីមានរបាយការណ៍អំពីករណីកំណកឈាមដ៏កម្រ ក្នុងចំណោមមនុស្សមួយចំនួនដែលបានចាក់វាហើយ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ គ្រាន់តែឃើញ គីម ជុងអ៊ុន ស្រកគីឡូ ប្រជាជន កូរ៉េខាងជើង ស្រក់ទឹកភ្នែកបណ្តើរៗហើយ