ប្រកាសមុននេះ វៀតណាម នៅតែមានអ្នកឆ្លងកូវីដជាកំណត់ត្រាក្នុងរយៈពេល ២៤ ម៉ោងចុងក្រោយ

ប្រទេសវៀតណាមនៅរសៀលថ្ងៃអាទិត្យនេះ បានប្រកាសពីការរកឃើញករណីឆ្លងជំងឺកូវីដ ១៩ ក្នុងសហគមន៍ចំនួន ៦៣២ ករណីនៅក្នុងតំបន់ចំនួន ១៣ ក្នុងរយៈពេល ២៤ ម៉ោងចុងក្រោយ ដោយនាំឲ្យករណីឆ្លងសរុបឡើងដល់ ២៥,៥៦៤ ករណី ។

ក្នុងចំណោមករណីឆ្លងថ្មីនេះ គ្រាន់តែទីក្រុងហូជីមិញតែឯង មានអ្នកឆ្លងរហូតដល់ ៦០០ ករណីទៅហើយ ។

ចាប់តាំងពីថ្ងៃទី ២៧ ខែមេសា នៅពេលរលកឆ្លងថ្មីចាប់ផ្តើមនៅក្នុងប្រទេសវៀតណាម ការឆ្លងត្រូវបានកត់ត្រានៅក្នុងទីក្រុង និងខេត្តចំនួន ៥៨ ក្នុងចំណោមទីក្រុង និងខេត្តទាំង ៦៣ របស់ប្រទេសខណៈទីក្រុងហូជីមិញ មានករណីឆ្លងច្រើនជាងគេគឺ ១២,៦៥៨ ករណី ។

គួរបញ្ជាក់ថា គិតត្រឹមថ្ងៃអាទិត្យនេះ ប្រទេសវៀតណាមបានកត់ត្រាករណីឆ្លងជំងឺកូវីដ ១៩ ក្នុងសហគមន៍ចំនួន ១,២៣៨ ករណីក្នុងនោះ ១,០៤៣ ករណីនៅក្នុងទីក្រុងមជ្ឈមណ្ឌលហូជីមិញ ៕

ប្រែសម្រួលដោយ ៖ ជីវ័ន្ត

ប្រភព ៖ VNExpress

ចុចអាន ៖ ធ្ងន់ធ្ងរណាស់! វៀតណាម រកឃើញអ្នកឆ្លងកូវីដខ្ពស់បំផុត បំបែកកំណត់ត្រាថ្មីទៀតហើយ