ប្រភព៖ លោក ពូទីន មានជំងឺមហារីកហើយគ្រោងតែងតាំងកូនស្រីជាអ្នកស្នងតំណែង

បុគ្គលប្រឆាំងលោក វ្លាឌីមៀរ ពូទីន ដ៏លេចធ្លោម្នាក់បានអះអាងថា ប្រធានាធិបតីរុស្ស៊ីរូបនេះមានជំងឺមហារីកនិងបានទទួលការវះកាត់កាលពីដើមឆ្នាំនេះ។

លោក Valery Solovei ដែលអះអាងថាមានប្រភពអំពីបញ្ហានេះបានលើកឡើងថា លោក ពូទីន អាយុ៦៨ឆ្នាំត្រូវបានវះកាត់កាលពីខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអះអាងនេះបានកើតឡើងពីរសប្តាហ៍បន្ទាប់ពីលោក Solovei បាននិយាយជាលើកដំបូងអំពីសុខភាពរបស់បុរសខ្លាំងរូបនេះដោយបង្ហាញថា គាត់មានជំងឺ Parkinson’s។

លោក Solovei ដែលជាអតីតប្រធាននាយកដ្ឋានទំនាក់ទំនងសាធារណៈនៅវិទ្យាស្ថានទំនាក់ទំនងអន្តរជាតិរដ្ឋមូស្គូជឿជាក់ថា លោក ពូទីន គ្រោងនឹងចុះចេញពីតំណែងនៅខែមករាដោយសារបញ្ហាសុខភាពហើយគ្រោងនឹងដាក់ឈ្មោះកូនស្រី Katerina Tikhonova ជាអ្នកស្នងតំណែងរបស់គាត់។

និយាយអំពីសុខភាពមិនល្អរបស់លោក ពូទីន គាត់បានលើកឡើងថា “បញ្ហាមួយគឺជំងឺផ្នែកប្រព័ន្ធសរសៃប្រសាទហើយមួយទៀតគឺបញ្ហាមហារីក”។

ទោះបីជាយ៉ាងណាក៏ដោយ វិមានក្រឹមឡាំងបានបដិសេធយ៉ាងដាច់អហង្ការថា មិនមានអ្វីខុសប្លែកជាមួយនឹងសុខភាពរបស់ពូទីនទេ៕

ប្រែសម្រួលដោយ៖ Vann Vann

ប្រភព៖ Daily Mail