វេជ្ជបណ្ឌិតទូន្មានហាមរួមភេទ៣ថ្ងៃ ក្រោយចាក់វ៉ាក់សាំងបង្ការកូវីដ-១៩

មន្ត្រីសុខាភិបាលរុស្ស៊ីម្នាក់បានហាមប្រាមមិនឱ្យមានការរួមភេទចំពោះអ្នកដែលទើបចាក់វ៉ាក់សាំងការពារ Covid-19 យ៉ាងហោច ៣ ថ្ងៃក្រោយទទួលថ្នាំបង្ការនេះ។

វេជ្ជបណ្ឌិត Denis Graifer បានព្រមានថា ការរួមភេទពាក់ព័ន្ធនឹងការប្រើប្រាស់កម្លាំង ដែលនេះនឹងនាំឱ្យមានរាងកាយបាត់បង់ថាមពលច្រើន ហើយបន្ទាប់ពីចាក់វ៉ាក់សាំង គួរតែចៀសវាងរួមសង្វាសរយៈពេល ៣ ថ្ងៃសិន។

មន្រ្តីសុខាភិបាលរូបនេះ មានប្រសាសន៍ដូច្នេះ “អ្នករាល់គ្នាដឹងរឿងនេះរួចមកហើយថា ការរួមភេទគឺជាសកម្មភាពដែលប្រើថាមពលខ្លាំងណាស់។ ដូច្នេះយើងសូមព្រមានអ្នកដែលទើបចាក់វ៉ាក់សាំងថ្មីៗ មិនគួរបង្កើនសកម្មភាពរាងកាយខ្លាំងពេកនោះទេ រួមទាំងការរួមភេទ ក៏មិនត្រូវបានណែនាំផងដែរ បន្ទាប់ពីចាក់វ៉ាក់សាំងរួច”។

ទោះជាយ៉ាងនេះក្ដី មន្ត្រីពេទ្យជាន់ខ្ពស់រូបនេះ លើកឡើងបន្ថែមថា ការរួមភេទបន្ទាប់ពីការចាក់វ៉ាក់សាំងមិនមែនថាមិនបានដាច់ខាតនោះទេ គ្រប់គ្នាអាចធ្វើទៅបានដោយដោយមានការប្រុងប្រយ័ត្ន និងកុំឱ្យហួសហេតុពេក ព្រោះវាអាចប្រឈមគ្រោះថ្នាក់ពិតមែន។

ក្រៅពីការរួមភេទ រុស្ស៊ីក៏បានហាមឃាត់ចំពោះការសេពគ្រឿងស្រវឹង ការជក់បារី និងការស្ទីមសូណាផងដែរ ក្រោយពីចាក់វ៉ាក់សាំងភ្លាមៗ៕

ប្រែសម្រួល៖ សន្យា

ប្រភព៖ DAILY STAR

ចុចអាន៖ គ្រោះថ្នាក់២យ៉ាងចំពោះអ្នកប្រើថ្នាំ គ្លូតា កំលុងពេលចាក់វ៉ាក់សាំងបង្ការកូវីដ-១៩

ចុចអាន៖ សកម្មភាពគ្រោះថ្នាក់ ៣ យ៉ាង គួរចៀសវាងក្រោយចាក់វ៉ាក់សាំងបង្ការកូវីដ-១៩​ ​